Atlanta Journal-Constitution
Były prezident ZŠA Džymi Karter paviedamiŭ, što vylečyŭsia ad raku mozhu, pieradajuć amierykanskija ŚMI.
91-hadovy Karter abviaściŭ pra heta parafijanam u baptysckaj carkvie horada Płejns, štat Džordžyja, raspaviała hazieta Atlanta Journal-Constitution (AJC).
Člen carkvy Maranatha Džył Staki raspaviała vydańniu, što Karter paviedamiŭ pra heta, vystupajučy pierad hrupaj z 350 čałaviek. «Jon skazaŭ, što atrymaŭ renthienaŭski zdymak, na jakim bačna, što raku bolš niama. Usie jamu pačali apładziravać», — skazała jana.
U žniŭni Karter paviedamiŭ, što pakutuje na ciažkaje ankałahičnaje zachvorvańnie. Padčas chirurhičnaj apieracyi miedyki vyjavili ŭ jaho rak piečani i mietastazy, jakija razraślisia pa ŭsich žyćciova važnych orhanach. U mozhu lekary vyjavili čatyry ačahi miełanomy.
U listapadzie były prezident raspavioŭ, što apieracyja pa vydaleńni rakavaj puchliny prajšła paśpiachova.
Karter byŭ abrany prezidentam u ZŠA ŭ 1976 hodzie.
Z 1981 hoda, kali skončyŭsia jaho prezidencki termin, demakrat Karter zaniaŭsia pravaabarončaj i dabračynnaj dziejnaściu pad ehidaj ułasnaj arhanizacyi Carter Center, jakuju jon zasnavaŭ nieŭzabavie paśla sychodu ź Biełaha doma.
U 1994 hodzie Karter prymaŭ aktyŭny ŭdzieł u jakaści pasiarednika ŭ pieramovach z Paŭnočnaj Karejaj nakont pytańnia jaje jadziernaha razzbrajeńnia. U apošni čas jon naviedvaŭ siryjskaha prezidenta Bašara Asada.