Top-10 samych kuplanych knih u kniharni «Łohvinaŭ» za listapad

1. Mama Mu ŭ baśsiejnie. Juja Visłander. U pierakładzie sa šviedskaj Nadziei Kandrusievič

Čarhovyja pryhody talerantnaj i palitkarektnaj karovy i jaje siabra, chvalko i nachaby Krumkača. Jasna, dla sučasnych dzietak. Blizkaść Kaladaŭ pasunuła na druhoje miesca navat nobieleŭskuju łaŭreatku, kab padniać hetuju knihu na našu vieršalinu.

2. Čas Second-Hand. Kaniec čyrvonaha čałavieka. Śviatłana Aleksijevič. U pierakładzie z rasijskaj Valeryja Strałko i Cichana Čarniakieviča

Biełarusy byli padrychtavanyja da Nobieleŭskaj premii, jak ni kruci. Litaratura faktu.

3. Heta Belarus, Dzietka! Maša Čarakova i Marta Čarnova

Dźvie biełaruski nadta doŭha žyli pa-za miežami Baćkaŭščyny i ŭsio pazabyvali: našu vietlivaść, čyściniu, palitkarektnaść i pryncyp adnaho akna. Ciapier pakutliva ŭspaminajuć. Vyjšła iranična i daścipna. Pa-biełarusku i anhielsku.

4. Dźvie dušy. U čym jaho kryŭda? Maksim Harecki

«Dźvie dušy» — kłasičny tvor niesavieckaj biełaruskaj litaratury pra padziei Pieršaj suśvietnaj. Darečy, tema padvojnaści biełarusaŭ zacikaviła jeŭrapiejcaŭ – letaś hetaja apovieść była vydadziena pa-niamiecku ŭ pierakładzie Norbierta Randaŭ.

5. «Dola praŭdy». Zyhmunt Miłašeŭski. U pierakładzie z polskaj Maryny Kazłoŭskaj

«Dola praŭdy» – heta nie tolki intryhoŭny detektyŭ. Hety raman — adlustravańnie žyćcia sučasnaj jeŭrapiejskaj krainy, hramadzianie jakoj sprabujuć vieści balučy, ale patrebny dyjałoh nakont svajho nie zaŭždy hładkaha i cichamirnaha minułaha. Dyjałoh, temami jakoha robiacca fašysckaja akupacyja, kamunistyčny režym, a taksama nacyjanalistyčnaja prapahanda.

6. Partret stahodździa. Jaŭhien Cichanovič

Zachaplalnyja, choć i nie pazbytyja tendencyjnaści, miemuary adnaho z samych viadomych biełaruskich mastakoŭ. Pra pieratrus u Jakuba Kołasa, pra prymusovuju lenijanadu ŭ biełaruskim mastactvie. Pad redakcyjaj Siarhieja Dubaŭca i Siarhieja Chareŭskaha.

7. Siem Ružaŭ. Nadzieja Jaśminska. Ilustratar Kaciaryna Dubovik

Prosta šalona pryhožaja knižka dla dzietak z čaroŭnymi kazkami ŭ dadatak.

8. Źjaŭleńnie infanty. Ludmiła Rubleŭskaja

Zbornik vieršaŭ, azdobleny admysłovym «Biestyjaryjem majho savieckaha dziacinstva»: vožyki, biehiemoty, Čornaja ruka, Miuba-jumba. Iraničnaja dekanstrukcyja mifaŭ.