Daśledčyki vyjavili dzieviać hienaŭ, zdolnych paskarać i zapavolvać raźvićcio chvaroby Alchiejmiera. Adzin ź ich — hien APOE — zdolny «adkłaści» chvarobu na 17 hadoŭ. Z poŭnym tekstam daśledavańnia možna aznajomicca ŭ časopisie Molecular Psychiatry.
U daśledavańni brali ŭdzieł bolš za 5 tys. žycharoŭ Kałumbii — usie hetyja ludzi vałodali padvyšanaj ryzykaj źjaŭleńnia chvaroby Alchiejmiera. Adnak raźvivacca zachvorvańnie ŭ ich pačałosia ŭ roznym uzroście: u kahości pieršyja simptomy źjavilisia ŭ 32 hady, a ŭ kahości — tolki ŭ 65 hadoŭ. Navukoŭcy praanalizavali DNK kałumbijcaŭ, kab zrazumieć, ci isnujuć hieny, jakija ŭpłyvajuć na chutkaść raźvićcia chvaroby.
U vyniku daśledčykam udałosia vyjavić dzieviać hienaŭ, jakija mohuć paskoryć ci «adkłaści» chvarobu. Tak, hien E280A (jaki byŭ «zaniesieny» u Paŭdniovuju Amieryku ispanskimi kankistadorami ŭ pačatku XVI stahodździa) spryjaje prajavie chvaroby Alchiejmiera ŭ dosyć maładym uzroście, a voś hien APOE prademanstravaŭ zdolnaść prymusić chvarobu zapavolicca ŭ siarednim na 17 hadoŭ.
