Fota Siarhieja Zinina
Vychodnyja buduć niepahodlivymi. Kali ŭ subotu nadvorje istotna nie źmienicca, to ŭ niadzielu jaho charaktar kardynalna pamianiajecca.
Pra heta raspavioŭ načalnik słužby hidramietearałahičnych prahnozaŭ Respublikanskaha hidramietcentra Dźmitryj Rabaŭ.
U subotu, 28 listapada, nadvorje budzie vyznačać vobłaść pavyšanaha atmaśfiernaha cisku, sfarmiravanaja ŭ prachałodnaj pavietranaj masie. Pieravažna biez apadkaŭ, tolki dniom u paŭdniova-zachodnich rajonach čakajucca nievialikija apadki, u asnoŭnym mokry śnieh, miescami słaby hałalod. Na asobnych učastkach daroh hałalodzica. Tempieratura pavietra minimalnaja nočču -2 — -8°S, miescami da -12°S, maksimalnaja dniom -3 — + 2°S.
U niadzielu aktyŭny atmaśfierny front, jaki pastupaje z Čornaha mora, pryniasie składanyja ŭmovy nadvorja.
Na bolšaj častcy terytoryi krainy projdzie śnieh, mokry śnieh, pa ŭschodniaj pałovie z daždžom. Miescami nalipańnie mokraha śniehu, tuman, hałalod. Na darohach hałalodzica. Tempieratura pavietra minimalnaja nočču 0 — -7°S, maksimalnaja dniom -3 — +3°S.
Abstanoŭka budzie składanaj dla aŭtatranspartu, papiaredžvajuć sinoptyki!
U paniadziełak čarhovy aktyŭny front, tolki ŭžo z Zachodniaj Jeŭropy pryniasie na bolšuju častku terytoryi karotkačasovy śnieh, mokry śnieh, dniom z daždžom. Nočču i ranicaj miescami tuman, słaby hałalod, na darohach hałalodzica. Dniom u asobnych rajonach uzmacnieńnie vietru paryvami da 15-20 m/s. Tempieratura pavietra minimalnaja nočču -4 — +2°S, maksimalnaja dniom 0 — +6°S.