Adny kampanii zadavalniajuć našy štodzionnyja patreby. Druhija pracujuć tolki dla atrymańnia prybytku. A samyja hienijalnyja nazaŭždy źmianiajuć rečaisnaść.
Metaj polskich startapaŭ, takich jak Intelclinic, źjaŭlajecca apošniaja sa zhadanych metaŭ. I dziakujučy takim startapam Polšča stanovicca adnym z samych cikavych miescaŭ na karcie śvietu.
Chraničnaja biassońnica, parušeńni snu ad źmieny hadzinnych pajasoŭ ci stoma paśla doŭhaha padarožža z-za roźnicy ŭ časie źjaŭlajecca siońnia ŭsieahulnaj prablemaj. Polski student Kamil Jacek uziaŭsia vyrašyć prablemu, i ŭ 2013 hodzie byŭ stvorany polski startap Intelclinic.
Paśla zboru paŭmiljona dalaraŭ na kraŭdfandynhavaj płatformie Kickstarter była stvoranaja Neuro:on – maska, jakaja palapšaje jakaść snu šlacham vymiareńnia mazhavych chval, ciahlicavaha tonusu i ruchu vačej.
Unikalnaja technałohija, jakaja dapamoža źmianić ład našaha žyćcia i śvietaŭsprymańnia byŭ vynajdzieny i vyrableny ŭ Polščy.
Takija prajekty jak Estimote jadnajuć fantastyčnuju polskuju supolnaść prahramistaŭ i raspracoŭščykaŭ z pryrodžanymi pradprymalnickimi zdolnaściami palakaŭ, što dapamahaje padtrymlivajuć stvareńnie inavacyjnych praduktaŭ i technałohij, i ŭ toj ža čas robić Polšču adnoj z samych papularnych «fabryk» startapaŭ.
Na samaj spravie, raźvićcio polskich startapaŭ šmat u čym adlustroŭvaje ahulnuju ekanamičnuju situacyju ŭ krainie.
Polšča naležyć da tak zvanych EAGLEs [Emerging and growth-leading economies, z anhł. – ekanomik, jakija chutka rastuć i raźvivajucca], i jaje ekanamičny rost ad dzievianostych hadoŭ pastajanna trymajecca na vysokim uzroŭni.
U toj čas, jak rešta Jeŭropy mocna paciarpieła ad hłabalnaha kryzisu, polskaja ekanomika nie pierastała raści dziakujučy mocnamu ŭnutranamu popytu, nizkamu ŭzroŭniu doŭhu, fondaŭ ES, i pierš za ŭsio – čałaviečamu patencyjału. Tamu, ułasna, Polšča źjaŭlajecca najbolš pryvabnaj krainaj u Jeŭropie na dumku inviestaraŭ; Ekanomikaj, jakaja raźvivajecca najchutčej u Jeŭrapiejskim Sajuzie i ŭsio važniejšym hulcom na suśvietnych rynkach.
Tamu ja, atrymaŭšy ad Get Inspired Fest prośbu napisać artykuł ab pryčynach, pa jakich jeŭrapiejskija i suśvietnyja pradprymalniki pavinny pilna pryhladacca da polskaha rynku, nie ździviŭsia.
Pačniom ź infarmacyi dla vialikich inviestaraŭ: Polšča źjaŭlajecca hihanckaj, najbolšaj u Siarednie-Uschodniaj Jeŭropie dziaržavaj, jakaja naličvaje 38 miljonaŭ nasielnictva.
Užo ciapier jana źjaŭlajecca, pavodle acenak, vośmaj ekanomikaj u Jeŭropie i napeŭna apiaredzić adnu ci dźvie krainy (bieź vialikich namahańniaŭ) u budučych dziesiacihodździach.
Polšča – heta najbolšy atrymalnik srodkaŭ ES u Jeŭropie (bolš za 80 młrd jeŭra da 2020 h.), jakija vykarystoŭvajucca na praviadzieńnie navukovych daśledavańniaŭ, raźvićcio, infrastrukturu, urad, madernizacyju rehijanalnaha samakiravańnia, vypracoŭku ekałahičnaj i adnaŭlalnaj enierhii i padvyšeńnie ahulnaha ŭzroŭniu žyćcia hramadstva, pačynajučy ad padvyšeńnia kvalifikacyi zvyčajnych hramadzian da pabudovy treciaha siektara. Heta źviazana z fantastyčnymi mahčymaściami dla biznesu.
Polšča, jakaja ličycca tyhram Centralna-Uschodniaj Jeŭropy, źjaŭlajecca rehijanalnaj siadzibaj Oracle, SAP, Microsoft, HP, IBM, Google i mnohich inšych. Mienavita tamu zamiežnyja firmy hadami achvotna inviestujuć u Polšču, robiačy jaje tym samym adnoj z 10 najlepš raźvitych inviestycyjnych łakalizacyj u śviecie pavodle World Investment Report ad 2015 hoda.
Ničoha dziŭnaha, što krainy z usioj Afryki i takija, jak Paŭdniovaja Kareja ci Kitaj, stanoviacca ŭ čarhu, kab rabić biznes z polskimi firmami. Pa sutnaści Polšča budzie adnoj z metavych krain novaj kitajskaj čyhunki «Šaŭkovy Šlach», što maje patencyjał stać klučavym handlovym i biznesovym złučeńniem Dalokaha Uschodu i Jeŭropy.
Ale, jak ja ŭžo zhadvaŭ, heta infarmacyja dla najbujniejšych hulcoŭ. Dla vialikich ludziej ź vialikimi idejami, jakija treba realizavać z nula, Polšča taksama źjaŭlajecca vialikim miescam vartym uvahi.
Polšča moža pachvalicca adnym z najbolšych siektaraŭ małych i siarednich firmaŭ, jaki da taho ž chutka raście. Pavodle apošniaha dakładu na temu startapaŭ, u Polščy ich ciapier bolš za 2500.
Voźmiem, dla prykładu, polskuju firmu Migam, zasnavanuju Premkam Kuśmierkam. Jaho ŭvahu pryciahnuli tyja ciažkaści ŭ kamunikacyi, ź jakimi zmahaŭsia jaho siabar, jaki maje parušeńni słychu.
Premek z kamandaj maładych prahramistaŭ, vykarystoŭvajučy štučny intelekt i nieŭrałahičnyja prahramy, stvaryli technałohiju, jakaja robić mahčymym aŭtamatyčny pierakład movy hłuchaniamych KinecTranslator. Hetaja technałohija za niejki čas źmienić žyćcio 70 młn ludziej z parušeńniami słychu, jakija žyvuć u śviecie.
Kali ja hutaryŭ z Premkam pra toje, što robić Polšču takim zručnym miescam dla viadzieńnia haspadarčaj dziejnaści, jon adkazaŭ mnie, što «Polšča heta adnosna śviežy rynak dla startapaŭ, taksama jana idealna raźmieščanaja – usiaho paŭtary hadziny ad bolšaści jeŭrapiejskich stalic. Majem vydatnych inžynieraŭ, a kolkaść kapitału, dastupnaja dla startapaŭ, raście z kožnym dniom». Premek pahadziŭsia taksama, što Polšča na fonie inšych krain vyłučajecca svaimi žycharami: «Polskija pradprymalniki prahnyja da pośpiechu. Palakaŭ vyłučaje vysokaja etyka pracy i tryvałaść, a hetyja pieravahi nieabchodnyja dla paŭstavańnia i raźvićcia novych firm».
Jak i Intelclinic i Migam, polski startap Wandlee maje na mecie źmianić śviet.
Hrupa Wandlee stvaryła pieranosnuju pryładu, jakaja daje mahčymaść baćkam kantralavać aktualnaje miesca znachodžańnia ich dziaciej,
a taksama dadatkova matyvuje da zachoŭvańnia dobraj fizičnaj kandycyi i zdarovaha ładu žyćcia. «Štohod u Jeŭropie adbyvajecca 25000 vypadkaŭ hibieli dziaciej. Hetyja źviestki tryvožać baćkoŭ i heta, ułasna, matyvavała nas da vyrašeńnia hetaj prablemy», — skazaŭ mnie zasnavalnik Wandlee Ihar Saŭčuk.
«Palaki nievierahodnyja ŭ novych technałohijach», — śćviardžaje Marcin Kazłoŭski, hałoŭny mieniedžar Akademičnych inkubataraŭ pradprymalnictva Business Link, najbolšaj u Jeŭropie sietki paskaralnikaŭ inavacyjnych firm, što dapamahaje ŭ raźvićci polskich startapaŭ u šaści biznesovych centrach va ŭsioj Polščy. «Majem vydatnych prahramistaŭ i deviełapieraŭ, jakija nadajuć novym firmam vializnuju vartaść i źjaŭlajucca mienavita takoha rodu palivam, jakoha patrabujuć ruchaviki startapaŭ».
Polskija firmy robiacca ŭsio bolš mižnarodnymi – bolš čym pałova ź ich skiravanaja na prodaž svaich praduktaŭ na zamiežnych rynkach.
Vialikabrytanija, Hiermanija i Złučanyja Štaty – heta rynki, jakija robiać mahčymym chutčejšy rost i dostup da bolšaj kolkaści inviestaraŭ – vidavočna hałoŭnyja kirunki polskich startapaŭ, adnak prahramy, takija jak AIP Business Link Go Global, raspaŭsiudžvajučy ich na rynkach usiaho śvietu, zaachvočvajuć pradprymalnikaŭ z usioj Jeŭropy źviartać uvahu na talent palakaŭ i stvarać firmy ŭ ich krainie.
Niezaležna ad taho, ci my havorym pra kampjutarnaje abstalavańnie, ci pra zdarovy ład žyćcia, fizičnuju i psichičnuju formu, druk 3D, modu, finansavyja technałohii, markietynhavyja instrumienty, pradukty i pasłuhi B2B, kampjutarnyja hulni, polskija startapy iduć pavolnaj, ale peŭnaj darohaj da skareńnia śvietu – śvietu, jaki pačynaje asensoŭvać polski patencyjał.
Jak dadaje Premek, vialikija mižnarodnyja marki ŭsio bolš cikaviacca polskimi firmami.
«Naprykład Base CRM i UXPin skaryli amierykanski rynak, Estimote uvodziacca «Barsaj», a Growbots'am cikavicca Pay Pal». Moža być, najbolš aktualny prykład adkrytaści śvietu dla polskich startapaŭ mieŭ miesca ŭ listapadzie, padčas prezientacyi novaha kampusu Google u Varšavie, u miežach prahramy raźvićcia pradprymalnictva Google, jaki raspačnie supracu polskich startapaŭ z centrami Google u Łondanie, Tel-Avivie, Sieule, Madrydzie i va ŭsim śviecie. «Polšča ščaślivaja mieć idealnaje spałučeńnie talentu, matyvacyi i finansavańnia», — adznačyŭ novy kiraŭnik kampusu ŭ Varšavie Rafał Plutecki. «Livechat, Brainly, Estimote i City Interactive užo ciapier paznavalnyja na hłabalnych rynkach, i my chočam stvaryć supolnaść, dziakujučy jakoj źjavicca bolš takoha kštałtu firm».
Piać hadoŭ tamu ekasistema polskich startapaŭ była ŭ začatkavym stanie; ciapier jana źmianiaje śviet.
Usim, chto b chacieŭ daviedacca, čamu tak adbyvajecca, varta naviedać u nastupnym hodzie Get Inspired Fest u Novym Sonču. Heta padzieja, što spryjaje biznes-pośpiechu startapaŭ. Heta miesca spatkańnia, abmienu dośviedam, zdabyćcia viedaŭ, nieabchodnych dla viadzieńnia ŭłasnaha biznesu. A taksama netvorkinh z najlepšymi startapami z Polščy i 20 krain Siaredniaj i Uschodniaj Jeŭropy. Bolš infarmacyi na getinspiredfest.pl
* * *
Patryk Nej źjaŭlajecca brytanskim kansultantam pa kiravańni, jaki dapamahaje brytanskim firmam prasoŭvacca na polskim rynku. Vykonvaje funkcyi dyrektara Zespołu ds. Handlu Brytyjsko-Polskiej Izby Handlowej.
Artykuł byŭ napisany ŭ miežach prajektu «Get Inspired – pradprymalnictva, startap, supraca», jaki finansujecca sa srodkaŭ Ministerstva zamiežnych spraŭ Polščy ŭ ramkach konkursu «Supraca ŭ śfiery publičnaj dypłamatyi 2015».
Europejski Dom Spotkań – Fundacja Nowy Staw
ul. Przechodnia 4, 20-003 Lublin
