Dnieprapiatroŭsk taksama traplaje pad zakon ab zabaronie kamunistystyčnaj prapahandy
Instytut nacyjanalnaj pamiaci Ukrainy zajaviŭ ab nieabchodnaści pierajmienavać paradku tysiačy nasielenych punktaŭ. «Zhodna ź dziejnym zakonam «Ab asudžeńni kamunistyčnaha i nacyjanał-sacyjalistyčnaha režymaŭ i zabaronie prapahandy ich simvoliki», pad pierajmienavańnie padpadaje 941 nasieleny punkt», — rastłumačyŭ staršynia instytuta Uładzimir Viatrovič na pres-kanfierencyi, jakaja prajšła ŭ paniadziełak, 23 listapada.
Viatrovič adznačyŭ, što z 32 haradoŭ, jakija nosiać savieckija nazvy, u 14 na dadzieny momant niama mahčymaści pravieści hramadskija słuchańni pa pytańniach pierajmienavańnia, bo jany znachodziacca na niekantralavanych Ukrainaj terytoryjach Danieckaj i Łuhanskaj abłaściej, a taksama ŭ Krymie.
U niekatorych haradach, adznačaje ahienctva «Ukrainskija naviny», užo prajšli hramadskija słuchańni, dzie byli vyniesienyja prapanovy pa pierajmienavańni. Tak, Arciomaŭsk i Dziaržynsk u Danieckaj vobłaści prapanujecca pierajmienavać u Bachmut i Tareck, Illičoŭsk u Adeskaj vobłaści — u Čarnamorsk, a Kiravahrad pradstaviŭ 7 adpaviednych prapanoŭ.
