U apieratyŭna-dziažurnuju słužbu Kastryčnickaha RUUS stalicy ad žycharoŭ žyłoha doma pa vulicy Kazinca niekalki dzion tamu pastupiła paviedamleńnie ab tym, što z akna kvatery, raźmieščanaj na 8-m paviersie, nieviadomyja skidvajuć na minakoŭ pakiety, napoŭnienyja vadoj, reštkami praduktaŭ charčavańnia i inšym śmiećciem.
Jak paviedamlaje HUUS Minharvykankama, pa ŭkazanym adrasie dla razhladu nieadkładna byli nakiravanyja narad patrulna-pastavoj słužby, a taksama ŭčastkovy inśpiektar milicyi.
Na miescy supracoŭniki orhanaŭ unutranych spraŭ zapatrabavali spynić supraćpraŭnyja dziejańni. U adkaz na heta parušalniki pasprabavali ablić milicyjanieraŭ, dźviery ŭ kvateru nie adkryvali. Ludzi, što znachodzilisia ŭ kvatery, nie źbiralisia supakojvacca, pavodzili siabie aburalna. Milicyjaniery pryniali rašeńnie vyklikać padmohu. U vyniku kampanija z dvuch mužčyn i adnoj žančyny, jakija znachodzilisia ŭ stanie ałkaholnaha apjanieńnia, była zatrymanaja.
Padčas razboru było ŭstanoŭlena, što ŭsie zatrymanyja viali antyhramadski ład žyćcia, złoŭžyvali śpirtnym. Kožny ź ich byŭ nieadnarazova sudzimy. Parušalniki rastłumačyli svoj učynak žadańniem paviesialicca.
Ich dziejańniam dajecca pravavaja acenka.