Delfi.lt
Bolšuju častku tydnia čakajecca anamalna ciopłaje, ale daždžlivaje nadvorje. Siaredniaja tempieratura pavietra budzie na 3—8 hradusaŭ vyšej za normu.
Biełaruś čakaje ŭpłyŭ aktyŭnych frantalnych sistem atłantyčnych cykłonaŭ, što adzin za adnym vychodziać na zachodniaje ŭźbiarežža Skandynaŭskaha paŭvostrava i pavolna prasoŭvajucca va ŭschodnim kirunku, raspavioŭ načalnik słužby hidramietearałahičnych prahnozaŭ Respublikanskaha hidramietcentra Dźmitryj Rabaŭ.
U aŭtorak 17 listapada, umovy nadvorja na terytoryi Biełarusi nočču ŭ asnoŭnym budzie vyznačać vobłaść panižanaha atmaśfiernaha cisku, ranicaj i dniom adabjecca ŭpłyŭ frantalnych raździełaŭ, jakija pieramiaščajucca z Zachodniaj Jeŭropy. Nočču miescami, ranicaj i dniom na bolšaj častcy terytoryi daždžy, ranicaj miescami mahčymy mokry śnieh. Nočču i ranicaj u asobnych rajonach słaby tuman. Tempieratura pavietra ŭnačy -2 — +4°S, dniom 3 — +8°S, pa paŭdniovym zachadzie da +10°S.
U sieradu, 18 listapada, čarhovaja sistema atmaśfiernych frantoŭ pryniasie ŭ krainu ciopłuju vilhotnuju pavietranuju masu i daždžy z Centralnaj Atłantyki. Nočču i ranicaj miescami tuman. Tempieratura pavietra ŭnačy 2 — +9°S, dniom 6 — +13°S.
U čaćvier, 19 listapada, nadvorje istotna nie źmienicca, ale dyskamfortu dadaść paryvisty zachodni viecier. Časam čakajucca daždžy i ŭzmacnieńnie vietru paryvami da 15-18 m/s. Tempieratura pavietra ŭnačy 3 — +8°S, dniom 5 — +10°S.
U piatnicu i subotu Biełaruś apyniecca na šlachu jašče adnaho atłantyčnaha cykłona, jaki pieramieścicca na Finski zaliŭ. Jon sfarmuje ŭ hetyja dni vietranaje i daždžlivaje nadvorje.
U piatnicu, 20 listapada, na bolšaj častcy terytoryi čakajucca daždžy. Miescami ŭzmacnieńnie vietru paryvami da 15-20 m/s. Tempieratura pavietra minimalnaja nočču 2 — +8°S, dniom 5 — +10°S.
U subotu, 21 listapada, na bolšaj častcy Biełarusi projduć karotkačasovyja daždžy, u asobnych rajonach mahčymy mokry śnieh. Nočču miescami ŭzmacnieńnie vietru paryvami da 15—18 m/s. Tempieratura pavietra na praciahu sutak 1 — +7°S.
A ŭžo ŭ niadzielu, 22 listapada, pachaładaje. Biełaruś sydzie ŭ piaredadzień zimy.
Niaŭstojlivaje nadvorje budzie vyznačać pole panižanaha atmaśfiernaha cisku i prachałodnyja pavietranyja masy paŭnočnych šyrot. Miescami karotkačasovyja apadki — doždž, mokry śnieh. U asobnych rajonach tuman, słaby hałalod. Tempieratura pavietra nočču -4 — +3°S, dniom 0 — +5°S.
