Prezident Rasii Uładzimir Pucin zajaviŭ, što zachoŭvajecca pahroza pieratvareńnia situacyi na Danbasie ŭ zamarožany kanflikt i abvinavačvaje ŭ hetym ułady Ukrainy.
Pra heta jon skazaŭ u intervju tureckamu infarmacyjnamu ahienctvu «Anadołu» napiaredadni samitu «Hrupy dvaccaci».
Reuters
«Pa-raniejšamu zachoŭvajecca pahroza pieratvareńnia situacyi na Danbasie ŭ zamarožany kanflikt. Da hetaha viadzie palityka Kijeva, jaki praciahvaje naroščvać błakadu paŭdniovaha ŭschodu, nie puskaje tudy ni pradukty charčavańnia, ni hrošy. Likvidavaŭ tam bankaŭskuju sistemu, błakavaŭ ekspart», — skazaŭ Pucin.
Jon adznačyŭ, što «jašče na pieramovach u vieraśni 2014 hoda baki kanfliktu damovilisia nie tolki pra pieramirje, ale i pra kroki pa adnaŭleńni žyćciadziejnaści rehijona».
«Było zafiksavana, što pavinna być pryniata prahrama ekanamičnaha adradžeńnia Danbasa. Hetaje pytańnie abmiarkoŭvali i ŭ lutym biahučaha hoda ŭ Minsku, dzie našy partniory pa «narmandskim farmacie» — Hiermanija i Francyja — pahadzilisia akazać techničnaje sadziejničańnie ŭ adnaŭleńni bankaŭskaj i finansavaj infrastruktury ŭ zakranutych kanfliktam rajonach», — skazaŭ Pucin.
«Dziela spraviadlivaści treba skazać, što peŭnyja zruchi ŭsio ž taki jość. Bakami adnoŭleny čyhunačny ruch, jaki dazvalaje dastaŭlać danbaski vuhal u inšyja rehijony Ukrainy. Viaducca pracy pa naładžvańni enierhazabieśpiačeńnia. Prapracoŭvajucca pytańni, źviazanyja z adnaŭleńniem sistemy vodazabieśpiačeńnia», — dadaŭ jon.
Pucin zajaviŭ, što Rasija, sa svajho boku, praciahvaje akazvać padtrymku Danbasu, jaki akazaŭsia ŭ składanaj humanitarnaj situacyi. Z žniŭnia 2014 tudy było pastaŭlena zvyš 50 tysiač ton humanitarnych hruzaŭ.
«My dumajem pierš za ŭsio pra ludziej, jakich kijeŭskija ŭłady kinuli na volu losu, pastavili na hrań vyžyvańnia. Naš abaviazak — akazać im nieabchodnuju dapamohu», — skazaŭ Pucin.
