Prezident RF Uładzimir Pucin 15-16 listapada prymie ŭdzieł u dziasiatym samicie «Hrupy dvaccaci» u Turcyi (Antalja), dzie budzie abmiarkoŭvacca ŭrehulavańnie situacyi va Ukrainie.
Jak paviedamili ŭ pres-słužbie Kramla, u paradku dnia — aktualnyja pytańni raźvićcia suśvietnaj ekanomiki, biahučaja situacyja ŭ mižnarodnym handli, pierśpiektyvy refarmavańnia hłabalnaj finansavaj architektury, mahčymaści dla pryciahnieńnia inviestycyj u realny siektar i pavyšeńnia ŭzroŭniu zaniataści. Budzie zakranutaja tematyka hłabalnaha źmianieńnia klimatu. Asobnuju ŭvahu na samicie płanujecca nadać prablematycy sumiesnaj baraćby z teraryzmam i dapamohi biežancam.
Zajaŭlajecca, što napiaredadni samitu «Hrupy dvaccaci» pa tradycyi adbudziecca sustreča lidaraŭ dziaržaŭ BRICS. Kiraŭniki piaci krain źvierać pazicyi pa klučavych punktach paradku dnia samitu «dvaccatki», abmianiajucca dumkami ab chodzie raboty pa realizacyi pryjarytetaŭ rasijskaha staršynstva ŭ abjadnańni i pa vykanańni rašeńniaŭ lipieńskaha samitu BRICS va Ufie. Prezident Rasii taksama praviadzie šerah dvuchbakovych sustreč ź lidarami krain «dvaccatki».
Pavodle infarmacyi pamočnika prezidenta RF Juryja Ušakova, Pucin na palach G20 abmiarkuje situacyju va Ukrainie i siryjskaje ŭrehulavańnie z premjer-ministram Vialikabrytanii Devidam Kemieranam, a taksama sustreniecca z premjer-ministram Italii Matea Renca.
Udzielnikami G20 źjaŭlajucca Aŭstralija, Arhiencina, Brazilija, Vialikabrytanija, Hiermanija, Indyja, Indaniezija, Italija, Kanada, Kitaj, Mieksika, Saudaŭskaja Aravija, ZŠA, Turcyja, Francyja, Paŭdniovaja Kareja, PAR, Japonija, Rasija i Jeŭrapiejski sajuz.
