U rasijskaj stalicy ŭ bližejšyja dni adkryjucca kursy baraćby z dapamohaj manapodaŭ (sełfi-pałak), paviedamlaje pres-słužba maskoŭskaha centra adzinaborstvaŭ M-PROFI.
AFP
«U apošni čas pačaścilisia vypadki napadu na turystaŭ. U takich situacyjach adzinym srodkam abarony ŭ ich byli sełfi-pałki. U suviazi z hetym ŭzrasła nieabchodnaść navučacca samaabaronie ź ich dapamohaj», — patłumačyła vydańniu Metro PR-mieniedžar centra Darja Łapšyna.
Poŭny kurs budzie ŭklučać u siabie 5 zaniatkaŭ: adzin tearetyčny i 4 praktyčnych.
Arhanizatary kursaŭ adznačajuć, što technika samaabarony z dapamohaj manapodaŭ budzie cikavaja, u pieršuju čarhu, padarožnikam, bo ŭ mnohich krainach niaredkija vypadki napadu na turystaŭ.
Miž tym ekśpierty adznačajuć, što zachapleńnie sełfi ŭ apošni čas pieratvaryłasia ź niavinnaj zabavy ŭ ekstremalny vid fatahrafavańnia: dziela ŭdałaha kadra ludzi ŭsio čaściej stali ryzykavać žyćciom i zdaroŭjem, što časam skančajecca trahična.
