Premjer-ministr Rasii Dźmitryj Miadźviedzieŭ u intervju »Rasijskaj haziecie» zajaviŭ, što rana ci pozna daviadziecca pryniać rašeńnie ab pavieličeńni piensijnaha ŭzrostu.
«Zrazumieła, što nam rana ci pozna daviadziecca prymać rašeńnie ab tym, kab piensijny ŭzrost pavialičvać — va ŭsim śviecie raście praciahłaść žyćcia, raście i ŭzrost vychadu na piensiju. Heta abjektyŭny praces. Tolki zabiahać napierad nie treba. Tamu my pakul rašeńniaŭ nijakich nie pryniali. Ale ŭžo kali heta rabić, to pačynać z tych, chto da hetaha maralna hatovy», — skazaŭ jon.
Pavodle jaho słoŭ, pry pryniaćci rašeńnia ab pavieličeńni piensijnaha ŭzrostu dziaržsłužačych ułady zychodzili z taho, što jany hatovyja pracavać daŭžej, čym niekatoryja inšyja katehoryi hramadzian. «Zakonaprajekt padrychtavany, uniesieny. U im praduhledžana etapnaść pierachodu da novaha pieryjadu vychadu na piensiju ŭ 65 hadoŭ dla dziaržaŭnych słužačych», — nahadaŭ premjer.
Jon taksama raspavioŭ, što nie ŭsie dziaržsłužačyja ŭspryniali takuju navinu z radaściu.
«Kali vy dumajecie, što ŭsie dziaržaŭnyja słužačyja hetamu ŭzradavalisia, to heta nie tak. Znoŭ ža ŭsio zaležyć ad taho, jakuju pazicyju zajmaje čałaviek. Dla kahości važna pracavać jak maha daŭžej, zachoŭvać svaju prafiesijnuju zapatrabavanaść, i heta nie abaviazkova niejkija vialikija načalniki. Heta mohuć być ludzi, jakija zajmajuć całkam ścipłyja pazicyi, ale jany chočuć pracavać doŭha i hrošy zarablać, prosta być zapatrabavanymi. Chtości pabudavaŭ svajo žyćcio troški inakš: dumaje pra toje, jak u 55 abo ŭ 60 hadoŭ syści na piensiju, zajmacca ŭnukami, jeździć na daču. I hetaja pazicyja zasłuhoŭvaje pavahi», — dadaŭ Miadźviedzieŭ.
