Ciapier, kab pavialičyć ci źmienšyć płošču, jakuju zakranie bombavy ci artyleryjski ŭdar, vajskoŭcy vykarystoŭvajuć roznyja typy i kalibry bojeprypasaŭ.
defense-aerospace.com
Najnoŭšaja technałohija moža dazvolić im rehulavać patrebnuju mahutnaść vybuchu pierad samim strełam, nie mianiajučy snarada ci bomby.
Adaptyŭny bojeprypas, jaki maje pieramienny radyus zony paražeńnia, atrymaŭ nazvu RADIUS (Range Adaptable Device Incorporating Unique Scaling).
Sistema była raspracavana niamieckaj firmaj TDW (adździaleńnie kampanii MBDA Deutschland) pry padtrymcy brytanskaj BAE Systems i vyprabavana na palihonie ŭ Vialikabrytanii.
Madyfikavanyja 500-funtovyja (227 kh) bomby byli skinutyja z pavietra, na adnoj ź jakich była vystaŭlena mahutnaść vybuchu na 10%, a na inšaj — na 100%. Vyprabavańni byli paśpiachovymi, paviedamiła kampanija.
Kali takaja technałohija budzie dastatkova tannaj, to ŭ teoryi heta moža pryvieści da źmianšeńnia patreby ŭ roznych typach bojeprypasaŭ i kolkaści roznych kalibraŭ artyleryi, što rezka spraščaje vajennuju łahistyku. Pry hetym budzie zachavanaja dastatkovaja dla vykanańnia roznych zadač, u tym liku ŭ nasielenych rajonach, taktyčnaja hnutkaść.
