Na hetym tydni atłantyčnyja cykłony, ruchajučysia pa poŭnačy Jeŭropy, nadziejna pierakryjuć darohu choładu. A atmaśfiernyja franty pryniasuć daždžy i ciopłaje pavietra Atłantyki, tak što na hetym tydni ŭ Biełarusi čakajecca syroje i vietranaje nadvorje, z tempieraturnym fonam na 3—5 hradusaŭ vyšej za klimatyčnuju normu.
Beata Stampachova, WLL
Pra heta raspaviała pradstaŭnik Respublikanskaha centra pa hidramietearałohii, kantroli radyjeaktyŭnaha zabrudžvańnia i manitorynhu navakolnaha asiarodździa Ludmiła Paraščuk.
10 listapada, u aŭtorak, terytoryja Biełarusi apyniecca pad upłyvam atmaśfiernych frantoŭ. Na bolšaj častcy terytoryi krainy projduć daždžy. Nočču ŭ asobnych rajonach słaby tuman. Nočču miescami, ranicaj i dniom u mnohich rajonach uzmocnicca viecier paryvami da 15-20 m/s. Tempieratura pavietra minimalnaja nočču składzie 3 + 8°S, maksimalnaja dniom 6 + 11°S, pa paŭdniovym zachadzie da + 13°S.
U sieradu, 11 listapada, čakajecca ciopłaje niaŭstojlivaje nadvorje. Na bolšaj častcy terytoryi karotkačasovyja daždžy, nočču i ranicaj u asobnych rajonach tuman. Nočču miescami, dniom u mnohich rajonach uzmacnieńnie vietru paryvami da 15-20 m/s. Tempieratura pavietra minimalnaja nočču 4 + 11°S, maksimalnaja dniom 7 + 14°S.
U čaćvier, 12 listapada, nočču miescami, dniom na bolšaj častcy terytoryi karotkačasovyja daždžy. U asobnych rajonach uzmacnieńnie vietru paryvami da 15-20 m/s. Tempieratura pavietra minimalnaja nočču 2 + 9°S, maksimalnaja dniom 5 + 12°S.
13 listapada, u piatnicu, nočču na bolšaj častcy terytoryi, dniom miescami karotkačasovyja daždžy. Nočču ŭ asobnych rajonach uzmacnieńnie vietru paryvami da 15-20 m/s. Tempieratura pavietra minimalnaja nočču 2 + 8°S, maksimalnaja dniom 5 + 11°S.
U vychadnyja, 14-15 listapada, u Biełarusi čakajucca časam daždžy. U asobnych rajonach uzmacnieńnie vietru paryvami da 15-20 m/s. Tempieratura pavietra minimalnaja nočču 2 + 8°S, maksimalnaja dniom 5 + 11°S.
