Minskija «Cmoki» paciarpieli treciuju parazu ŭ baskietbolnym turniry Adzinaja liha VTB. Pryčym prajhrajuć jany vyklučna na «Minsk-Arenie», a ŭsie try pieramohi atrymali ŭ haściach.
Siońnia, 8 listapada, «Cmoki» prajhrali na svajoj placoŭcy lidaru turniru, češskamu «Nimburku» ź likam 84:93.
Nastupnuju hulniu ŭ Adzinaj lizie VTB drakony praviaduć 14 listapada ŭ haściach suprać «Astany». 30 listapada hulnia ŭ Chielsinki suprać «Bajzansa», a nastupnaja hulnia doma tolki 5 śniežnia suprać hruzinskaj «Vity».
***
Adzinaja liha VTB — faktyčna adkryty čempijanat Rasii pa baskietbole z udziełam dzieviaci kamandaŭ z Rasii, pa adnoj ź Biełarusi, Finlandyi, Estonii, Łatvii, Čechii, Hruzii i Kazachstana. Kłuby hulajuć pamiž saboj dvuchkołavy turnir, pa adnym matčy doma i adnym u haściach (usiaho 30 matčaŭ).
Čempijanat skončycca ŭ krasaviku, kali vyznačacca vosiem udzielnikaŭ płej-of. Hod tamu «Cmoki» finišavali 15-mi. Zaraz jany — vośmyja (try pieramohi, try parazy).
***
Zatoje ŭ listapadzie «Cmoki» praviaduć na «Minsk-Arenie» try hulni ŭ turniry Kubak FIBA.
11 listapada suprać finskaj «Katai», 18-ha suprać słavackaha «Kamarna», 24-ha suprać bałharskaha «Rylski».
U hetym turniry «Cmoki» dvojčy ŭžo pieramahli ŭ haściach: słavakaŭ i bałharaŭ.
