AP
Adna z krynic ahienctva paviedamiła, što palicejskija, jakija pracujuć sa skanierami bahažu, za nievialikija chabary prapuskajuć jaho biez dahladu. «Nie mahu vam skazać, kolki razoŭ ja znachodziŭ sumki z narkotykami i zbrojaj, jakija palicyja prapuściła za 10 jeŭra abo nakštałt taho», — paviedamiŭ supracoŭnik aeraporta.
Skaniery bahažu ŭ aeraporcie Šarm-el-Šejcha, pa słovach supracoŭnikaŭ słužby biaśpieki, časta nie pracujuć, pryčym heta adbyvajecca z pryčyny niapravilnaj ekspłuatacyi, a nie z-za techničnych zbojaŭ. «Ja bačyŭ, jak ich adklučajuć, kab zekanomić elektryčnaść», — raspaviała adna z krynic Associated Press.
Piersanał praviaraje spraŭnaść aparatury tolki pierad inśpiekcyjami, ź jakimi pryjazdžajuć zamiežnyja śpiecyjalisty. Z dapamohaj skanieraŭ, navat kali jany pracujuć, dahladajuć tolki častku bahažu ŭ aeraporcie.
Paliva i pradukty charčavańnia dastaŭlajuć ŭ aeraport taksama čaściakom biez pravierak. Pa słovach supracoŭnikaŭ słužby biaśpieki, achoŭniki prapuskajuć hruz za drobny chabar ci prosta tamu, što znajomyja ź ludźmi, jakija zajmajucca dastaŭkaj.