• Lavon Volski — biełaruski Džon Lenan i Poł Makkartni ŭ adnoj personie. Pryjdzie čas? i jamu buduć stavić pomniki, u jaho honar buduć nazyvać vulicy.
• Kab acanić «Čyrvony Štral», treba było schadzić na kancert. Heta jak raz toj albom, jaki hučyć macniej u kancertnym vykanańni.
«Čyrvony Štral», darečy, — heta davajennaja vilenskaja kaviarnia, što znachodziłasia na rahu Hiedymina i Tatarskaj. Miesca było davoli mažornym. Siarod inšych, tam lubiła źbiracca biełaruskaja tahačasnaja tusoŭka. Cikava, ci napišuć biełarusy pieśniu pra jakoje-niebudź miesca ŭ sučasnaj Vilni, dzie lubiać bavić svoj čas. Moža pra «Šniekucis»?
• U kancertnaj zali «Compensa» sapraŭdy vielmi dobraja akustyka. Ale čatyry hitary adnačasova — pierabor. Vychad na scenu byłoha hitarysta — heta, viadoma, pryjemnaja niespadziavanka. Ale jon dadaŭ kakafonii. U peŭnyja momanty hitary prosta bili pa vušach.
Praŭda, «Krambambula» hučała mienš kakafanična, čym charalnyja śpievy Brutto na feście Belarus Alternative. Śpiavać usie pieśni mužčynskim choram — voś heta vielmi dziŭnaje rašeńnie Michałka.
U «Krambambuli» taksama śpiavali choram. I nie zaŭsiody dobra. Vidavočnaja roźnica ŭ vakalnych dadzienych Lavona i astatnich. Arakielan śpiavaŭ dobra, ale ŭ jaho inšy tembr hołasu.
• Arakielan i Volski — heta kahnityŭny dysanans. Daŭno liču, što niejak dziŭna heta ŭsio vyhladaje, kali jany vystupajuć razam. Uźnikła adčuvańnie, što Arakielan pamyliŭsia hurtam. Takoje dobra hladziełasia b u Brutto, ale nie na vystupach Lavona.
• Pryhožy, ale vielmi hlučny videašerah. U dadatak pražektary, jakija łupili pa vačach. Mnie asabista heta zaminała.
• Niahledziačy na hetyja drobnyja niedarečnaści, usio było supier. Upeŭnieny, što Volski budzie stvarać afihiennyja rečy, pad jakim brendam by heta nb było. Dla mianie jon biełaruski muzyka numar adzin, a nijaki nie Michałok. Nu ale pra husty nie spračajucca.
