7 listapada ŭ minskim hateli «Kroŭn-Płaza» prajšoŭ ustanoŭčy schod hramadzianskaj kampanii «Havary praŭdu». Delehaty vyznačylisia sa strukturaj arhanizacyi i vyrašyli prablemu lidarstva ŭ joj.
U «Havary praŭdu» budzie dvajnoje lidarstva. Buduć pracavać dva staršyni: samoj kampanii i rady kampanii, pryčym kirujučym orhanam stanie rada.
Staršyniom «Havary praŭdu» adnahałosna i biezalternatyŭna abrali Tacianu Karatkievič. Staršyniom rady — taksama adnahałosna Andreja Dźmitryjeva. Na pasadu kiraŭnika rady prapanoŭvali taksama i Siarhieja Vaźniaka. Adnak jon admoviŭsia ad pasady.
Pa vynikach schodu kiraŭnictva kampanii padrychtuje dakumienty ŭ Ministerstva justycyi dla aficyjnaj rehistracyi hramadzkaj arhanizacyi. Heta budzie čaćviortaja sproba rehistracyi kampanii ŭ Ministerstvie justycyi. Darečy, pieršy ŭstanoŭčy źjezd prachodziŭ u hetym ža hateli amal šeść hadoŭ tamu.
