Kniha Nastaśsi Skiepjan «Kniazi Słuckija» pryznanaja najlepšaj histaryčnaj pracaj hoda.
Kanhres daśledčykaŭ Biełarusi — heta forum, dzie možna ŭžyvuju pahavaryć z amierykanskimi prafiesarami Balmasedaj i Vułhajzieram, fiłosafam Babkovym, najlepšymi znaŭcami biełaruskaj movy Saŭkam i Ramanoŭskim. Pasłuchać dakład hrandyjoznaha knižnika Ihara Klimava. Uviečary vypić piva na Łajśvies-alei z palitołaham Ryhoram Astapieniem i ekanamistam Hlebam Šymanovičam. Pabačyć myš pierakładčycy Małhažaty Buchalik — jana, myš, taksama naviedała Kanhres.
Heta taki intelektualny kacioł, jakija redka sustrenieš.
Bačacca ŭ Koŭnie ludzi z roznych krain. Sioleta było 11 siekcyj: ad palityčnych navuk da historyi. A vystupoŭcy byli z 19 krain, u tym liku takich dalokich, jak Turcyja i Kazachstan. Najbolš pradstaŭničymi byli delehacyi Rasii, Litvy, Polščy, Ukrainy. Adnosna mała było ŭdzielnikaŭ ź Niamieččyny i ZŠA – arhanizatary nie majuć mahčymaści apłačvać bilety, heta ŭpłyvaje na naviedvanaść. Tym nie mienš, na V Kanhres sioleta zapisałasia 450 udzielnika i 80 haściej.
Kulminacyjaj Kanhresa zaŭždy jość cyrymonija ŭručeńnia premij za najlepšyja publikacyi apošnich dvuch hadoŭ.
Letaś łaŭreatami byli Aleś Bieły z knihaj «Imahałohija Biełaj Rusi» i Uładzimir Łobač, «Mif. Prastora. Čałaviek».
Chto ŭhanaravany sioleta? Heta stała viadoma ŭviečary 3 kastryčnika. Cyrymonija prajšła ŭ Pałacy BLC Koŭna. Jaje viali fiłosaf Valer Bułhakaŭ i teołah Iryna Dubianieckaja.
Premiju za najlepšuju histaryčnuju knihu atrymała Nastaśsia Skiepjan z Nacyjanalnaj akademii navuk Biełarusi za knihu «Kniazi Słuckija». Ź jaje siensacyjnym adkryćciom, što pravasłaŭnaja śviataja Safija Słuckaja była kataličkaj, «Naša Niva» ŭžo znajomiła.
Premiju imia Zory Kipiel za najlepšuju knihu ŭ halinie humanitarnych navuk atrymaŭ prafiesar raniej BDU, a ciapier Varšaŭskaha ŭniviersiteta Mikoła Chaŭstovič za knihu «Litaratura Biełarusi XVIII—XIX stahodździaŭ».
Asobna byli ŭhanaravanyja aŭtary najlepšych artykułaŭ.
U halinie historyi heta hrodzienski historyk Siarhiej Tokć za artykuł «Naradžalnaść i śmiarotnaść u tradycyjnaj sialanskaj supolnaści Biełarusi XIX — pačatku XX st. (pa materyjałach Hłybockaha prychoda)».
U halinie humanitarnych navuk heta krytyk Marharyta Alaškievič z artykułam «Stratehii pośpiechu ŭ biełaruskaj litaraturnaj krytycy».
U halinie sacyjalna-palityčnych navuk heta Alaksiej Łastoŭski i Nadzieja Jafimava z vydatnym artykułam «Vytoki nacyjanalnaj dziaržaŭnaści ŭ biełaruskaj histaryčnaj pamiaci».
Marharyta Balmaseda (Margarita Balmaceda) — najlepšy daśledčyk enierhietyčnaha rynku Uschodniaj Jeŭropy.
Narešcie, premiju za najlepšuju zamiežnuju knihu atrymała harvardskaja prafiesarka Marharyta Balmaseda za knihu Living the High Life in Minsk. Russian Energy Rents, Domestic Populism and Belarus' Impending Crisis.
Voś śpisy knih i publikacyj, što trapili ŭ šort-listy premii.
Historyja
Manahrafii
Natalla Hardzijenka, Lavon Jurevič. Rada BNR (1970-1982). Minsk: Knihazbor, 2014.
Śviatłana Kul-Sialvierstava. Biełaruski čas. Letaźličeńnie ŭ Biełarusi sa staražytnaści da sučasnaści. Hrodna: JurSaPrynt, 2014.
Maksim Makaraŭ. Miesckija ŭłady Połacka (1580—1772 hh.): arhanizacyja, piersanalny skład. Smalensk: Inbiełkult, 2014.
Andrej Macuk. Połackaje vajavodstva ŭ XVIII st.: vajavoda, šlachieckaja elita, sojmiki. Minsk: Biełaruskaja navuka, 2014.
Anastasija Skiepjan. Kniazi Słuckija. Minsk: Biełaruś, 2013.
Leanid Śmiłavicki. Jewish Life in Belarus. The Final Desade of the Stalin Regime (1944-53). Budapest — New York: Central European University Press, 2014.
Siarhiej Strenkoŭski. HaradskojesamakiravańnienaterytoryiBiełarusi (kaniec XIV - XVIII st.): [u 2 č.]. Minck: Dziaržaŭnaja ŭstanova adukacyi «Minski haradski instytut raźvićcia adukacyi», 2013.
Artykuły
Dźmitryj Vićko. Bajavyja dziejańni 1701 hoda i pačatak supracoŭnictva Sapiehaŭ sa Šviecyjaj // ARCHE. 2014. № 6. S. 71-107.
Aleh Lickievič. Harodnia i Haradzienski rehijon u druhoj pałovie CHIII — XIV stst. Suchaputnyja i vodnyja kamunikacyi, nasielenyja punkty, etnakanfiesijny skład i mihracyi nasielnictva // ARCHE. 2014. № 11. S. 8-60.
Alaksandr Pahareły. «Za novy typ biełarusa»: časopis «25 sakavika» (1936—1939 hh.) na fonie epochi// ARCHE. 2014. № 7-8. S. 120—194.
Anatol Ścieburaka. Biełaruś u francuzskaj miemuarystycy časoŭ vajny 1812 h.: na padstavie kalekcyi Nacyjanalnaj biblijateki Biełarusi // ARCHE. 2014. № 1-2. S. 37-72;
Siarhiej Tokć. Naradžalnaść i śmiarotnaść u tradycyjnaj sialanskaj supolnaści Biełarusi XIX — pačatku XX st. (pa materyjałach Hłybockaha prychoda) // Biełaruski histaryčny časopis. 2014, № 11. S. 14—22.
Humanitarnyja navuki
Manahrafii
Valer Jevaroŭski. Nacyjanalnaja fiłasofija Biełarusi. Teoryja, archiełohija, historyja, hienieałohija, škoła. Minsk: Biełaruskaja navuka, 2014.
Barys Krepak. Viartańnie imionaŭ. U 2 knihach. Minsk: Mastackaja litaratura. Kn. 1. 2013. Kn. 2. 2014.
Mikoła Chaŭstovič. Daśledavańni i materyjały: litaratura Biełarusi XVIII-XIX stahodździaŭ. Varšava: Katedra Białorutenistyki Uniwersytetu Warszawskiego, 2014.
Artykuły
Marharyta Alaškievič. Stratehii pośpiechu ŭ biełaruskaj litaraturnaj krytycy // Studia Białorutenistyczne. 2013. T. 7. S. 177-195.
Žanna Niekraševič-Karotkaja. Latin Epic Poetry and its Evolution as a Factor of Cultural Identity in Central and Eastern Europe in the Sixteenth and Seventeenth Centuries // Latinitas in the Polish Crown and the Grand Duchy of Lithuania. Its Impact on the Development of Identities. Edited by Giovanna Siedina. – Firenze: University Press, 2014. S. 21–38. (Biblioteca di Studi Slavistici 25).
Ivan Novik. Apałahietyka, pošuki sajuźnikaŭ i baraćba za artadoksiju ŭ 1920-ja hady. Rola biełaruskich savieckich fiłosafaŭ u paŭstavańni kanonu savieckaha marksizmu // Palityčnaja śfiera. 2013. №21. S. 29-54.
Hienadź Sivochin. Sučasnaja etnahrafičnaja supolnaść Biełarusi: kiejs Invientaru niemateryjalnaj kulturnaj spadčyny. Mietadałahičny aśpiekt // Topos. Fiłosofsko-kulturołohičieskij žurnał. №2, 2013. S. 92-114.
Volha Šparaha. Viersii soobŝiestva: ot idientičnosti k bytiju-vmiestie // Topos. Fiłosofsko-kulturołohičieskij žurnał. №2, 2013. S. 30-41.
Sacyjalna-palityčnyja navuki
Artykuły
Nastassja Astapava. «Vot narod, biez baťki užie i kartošku pieriebrať nie mohut»: biełorusskije političieskije i etničieskije aniekdoty. Antropołohičieskij forum. 2014. №1. S. 252 — 294.
Taćciana Kułakievič. Twenty Years in the Making: Understanding the Difficulty for Change in Belarus // East European Politics and Societies and Cultures. 2014. 28 (4). S. 887-901.
Alaksiej Łastoŭski, Nadzieja Jafimava. Vytoki nacyjanalnaj dziaržaŭnaści ŭ biełaruskaj histaryčnaj pamiaci // ARCHE. 2013. №2. S. 411—448.
Nastaśsia Matčanka. Padmiena hramadzianskaj supolnaści ŭ Biełarusi: niedziaržaŭnyja arhanizacyi, arhanizavanyja dziaržavaj // The Journal of Belarusian Studies. 2014. S. 76-105.
Razalija Śmirnova. Ciennostnyje osnovanija profieśsionalnoho vybora mołodych śpiecialistov ahrośfiery Biełarusi // Sociołohičieskij almanach. 2014. Vyp. 5. S. 384-392.
Najlepšaja navukovaja publikacyja na biełaruskuju tematyku dla zamiežnych daśledčykaŭ u halinie sacyjalnych i humanitarnych navuk
U adroźnieńnie ad Premii za lepšuju navukovuju publikacyju, jakaja nadajecca z 2013 hoda, heta Premija zasnavana dla vyznačeńnia tych prac, jakija stvorany aŭtarami, što nie majuć biełaruskaha pachodžańnia, nie žyli i nie pracavali ŭ Biełarusi. Jaje meta – adznačyć tyja zamiežnyja pracy, jakija zrabili istotny ŭniosak u raźvićcio viedy pra Biełaruś u śviecie.
Balmaceda, Margarita. Living the High Life in Minsk. Russian Energy Rents, Domestic Populism and Belarus' Impending Crisis. Central European University Press, 2014. 234 pages.
Bemporad, Elissa. Becoming Soviet Jews: The Bolshevik Experiment in Minsk. Indiana University Press, 2013. 292 pages.
Beorn, Waitman Wade. Marching into Darkness. The Wehrmacht and the Holocaust in Belarus. Harvard University Press, 2014. 336 pages.
Kaganovitch, Albert. The Long Life and Swift Death of Jewish Rechitsa: A Community In Belarus 1625—2000. Madison: University of Wisconsin Press, 2013. 416 pages.
Pospieszna, Paulina. Democracy Assistance from the Third Wave. Polish Engagement in Belarus and Ukraine. University of Pittsburgh Press, 2014. 280 pages.
Pranevičiutė-Neliupšienė, Jovita (ed.). Belarusian Regime Longevity: Happily Ever After. Vilnius University Publishing, 2014. 320 pages.
Rudling, Per Anders. The Rise and Fall of Belarusian Nationalism, 1906—1931. University of Pittsburgh Press, 2014. 448 pages.
Bon, Tomas. Minskij fienomien. Horodskoje płanirovanije i urbanizacija v Sovietskom Sojuzie pośle Vtoroj mirovoj vojny. Moskva: ROSSPEN, 2013. 414 s.
