Žudasnaje złačynstva adbyłosia ŭ školnym tualecie.
Sud Śvietłahorskaha rajona abviaściŭ pryhavor byłomu vučniu adnoj ź sielskich škoł, pakaraŭšy padletka 8 hadami pazbaŭleńnia voli za šakavalnaje złačynstva. 16-hadovaha padletka adpraviać u vychavaŭčuju kałoniju, bo jon jašče nie dasiahnuŭ paŭnalećcia.
Praŭda, prysud pakul nie ŭstupiŭ u zakonnuju siłu, a razhlad spravy viałosia ŭ zakrytym režymie, raspaviali kp.by ŭ pres-słužbie Homielskaha abłasnoha suda.
Raniej paviedamlałasia, što sprava była zaviedziena za hvałtoŭnyja dziejańni seksualnaha charaktaru ŭ dačynieńni da zaviedama małaletniaha.
U krasaviku ŭ školnym tualecie, jaki znachodzicca ŭ dvary viaskovaj škoły, tahačasny 15-hadovy 9-kłaśnik ździekvaŭsia z 8-hadovaha pieršakłaśnika. Pra heta stała viadoma, kali chłopčyk rašyŭsia raskazać ab tym, što zdaryłasia baćkam. Darečy, hvałtaŭnik atrymaŭ minimalnaje pakarańnie, praduhledžanaje artykułam.