29 vieraśnia na sajcie Naviny.by prachodzić anłajn-kanfierencyja z kandydatam u prezidenty Biełarusi Mikałajem Ułachovičam.
«Nakolki ciesnaj pavinna być intehracyja Biełarusi z Rasijaj i čym jana pavinna skončycca?» — cikaviacca čytačy haziety.
Ułachovič: «Intehracyja Biełarusi i Rasii nikoli nie spynicca. Nakolki ciesna? Užo siońnia składana skazać, nakolki jana pieraplatajecca ź intaresami biźniesmienaŭ, vytvorcaŭ.
Što adbudziecca dalej? Ci patrebnaja Biełaruś Rasii ŭ jaje składzie? Nie patrebnaja. Jaje zadavalniaje naš sajuzny dahavor. Z časam biełaruskaja i rasijskaja ekanomika saljucca razam. My navat nie zaŭvažym jak hramadzianie, dzie zraślisia ekanamičnyja madeli Biełarusi i Rasii.
Novyja technałohii nam pryniasie nie «Vialiki Kamień», jany pryjduć z Rasii. Naša moładź ciahniecca bolš na rasijski rynak, u rasijskija navučalnyja ŭstanovy. Našy praź niekalki hadoŭ u asnoŭnym buduć vučycca ŭ Maskvie. Kiembrydž daloka i daje viedy dla źniešnich adnosinaŭ. A voś dla pracy, asabliva na rasijskim rynku, patrebnaja adukacyja «Plachanaŭki», MDU. Ja dumaju, hetaje źlićcio pieravysić našy čakańni.
Naša niezaležnaść zastaniecca, jaje nichto nie kranaje, jana nikomu z rasijan nie patrebnaja. Jany ličać nas bratami pa duchu i pa kryvi. A voś adtok mazhoŭ i pracoŭnaj siły pojdzie ŭsio-taki ŭ bok Rasii».
