Leninskaje RUUS Minska šukaje bieź viestak źnikłaha Usievałada Kazłoŭskaha 2005 naradžeńnia, paviedamili ŭ HUUS Minharvykankama.
U kancy žniŭnia dzicia pajšło z domu, i da ciapierašniaha momantu jaho miescaznachodžańnie nieviadomaje.
Prykmiety (na momant źniknieńnia): na vyhlad 8-10 hadoŭ, rost kala 140-145 sm, chudarlavaha ciełaskładu, vałasy śvietła-rusyja, karotkija. Chłopčyk byŭ apranuty ŭ sinija džynsy, ciomny viazany švedar, čornyja tufli ci krasoŭki.
Jak miarkujecca, jon moža znachodzicca razam sa svajoj maci Marynaj Kazłoŭskaj 1985 hoda naradžeńnia, jakaja chavajecca ad milicyi.
Pravaachoŭniki prosiać hramadzian, jakija majuć jakuju-niebudź infarmacyju, paviedamić pra heta pa telefonach: 8 (017) 367-62-02, 8 (044) 560-97-45 abo 102. Kanfidencyjalnaść harantujecca.
