Raspracoŭščyk kampjutarnaj hulni World of Tanks biełaruskaja kampanija Wargaming viadzie pieramovy ab supracoŭnictvie z chołdynham «Hazprom-Miedyja».
Pra heta paviedamlaje Rambler sa spasyłkaj na vice-prezidenta pa hłabalnym markietynhu hrupy kampanij Wargaming Mikałaja Niebyšynca.
Ab jakim mienavita supracoŭnictvie idzie havorka, pakul nieviadoma. Jak miarkuje ahienctva, baki mohuć abmiarkoŭvać kalektyŭny zapusk novych hulniaŭ, stvareńnie sumiesnych pradpryjemstvaŭ abo vykarystańnie miedyjachołdynham technałohij Wargaming.
«Ciapier idzie praca ŭ kirunku sumiesnaha supracoŭnictva, ale abmiarkoŭvać kankretnyja kroki ja nie mahu, — skazaŭ Niebyšyniec. — My znachodzimsia ŭ režymie ŭnutranych pracoŭnych pieramovaŭ, jakija mohuć u vyniku pryvieści da zusim roznych vynikaŭ».
