Supracoŭniki milicyi nie pieravysili paŭnamoctvaŭ pry zatrymańni biespracoŭnaha na stancyi mietro «Uručča» 18 vieraśnia. Pra heta zajaviŭ ministr unutranych spraŭ Ihar Šunievič padčas žyvoj telefonnaj linii z hramadzianami.
«My pravodzim ŭnutranaje raźbiralnictva. Supracoŭniki milicyi dziejničali adpaviedna z zakanadaŭstvam i nie pieravysili svaich paŭnamoctvaŭ. Ich dziejańni nami acenienyja jak adpaviednyja ŭsim normam i praviłam ŭ takich vypadkach», — skazaŭ Ihar Šunievič.
Razam z tym, ministr zaklikaŭ žurnalistaŭ da bolš prafiesijnaj pracy. «Infarmacyja, jakaja źjaŭlałasia ŭ ŚMI, była nakiravana tolki na dyskredytacyju orhanaŭ unutranych spraŭ, i nie bolš. Nichto nie źbiraŭsia ŭstanaŭlivać iścinu. Ja b chacieŭ, kab karespandenty davali infarmacyju nie dla taho, kab zrabić siensacyju, a kab danieści praŭdu», — padkreśliŭ jon.