Maskva hatovaja ŭ luby momant pačać avijaŭdary ŭ Siryi, kab akazać padtrymku armii prezidenta Bašara Asada i spynić nastup «Isłamskaj dziaržavy» i inšych hrupovak. Pra heta piša Los Angeles Times sa spasyłkaj na dadzienyja amierykanskaj vyviedki.
U naniasieńni avijaŭdaraŭ mohuć być zadziejničany 28 źniščalnikaŭ i šturmavikoŭ, tajemna pierakinutyja na aeradrom u siryjskaj pravincyi Łatakija, śćviardžaje vydańnie. Pa dadzienych vyviedki, u Siryju pierakinuta 12 źniščalnikaŭ-bambavikoŭ Su-24, stolki ž šturmavikoŭ Su-25 i čatyry źniščalniki Su-30.
Krynicy ŭ Vašynhtonie paviedamili, što samaloty prylacieli ŭ Siryju z vyklučanymi transpondarami — pryładami, jakija dazvalajuć adsočvać ich znachodžańnie. Jany pierakidvalisia ŭ supravadžeńni rasijskich transpartnych samalotaŭ An-124, jakija vykarystoŭvali kamiercyjnyja pavietranyja kalidory nad Iranam i Irakam.
«Reaktyŭnyja samaloty hatovyja da naniasieńnia udaraŭ u luby momant, u ciapierašni momant dla hetaha niama nijakich pieraškod», — zajaviła krynica, blizkaja da amierykanskaj vyviedki.
Rasiejskija samaloty-raźviedčyki na hetym tydni ŭžo pačali latać nad pazicyjami bajevikoŭ na paŭnočnym zachadzie Siryi.
Rasijskija bieśpiłotniki štodnia pravodziać rejdy nad pravincyjami Łatakija i Chama, kantralavanymi armijaj Asada, i pravincyjaj Idlib, značnaja častka jakoj zachoplena bajevikami.
Na bazu ŭ Łatakii, pa źviestkach amierykanskaj haziety, taksama dastaŭleny 16 viertalotaŭ, dzieviać tankaŭ T-90 i artyleryja. Na terytoryi avijabazy razhornuty modulny haradok, raźličany na dźvie tysiačy vajskoŭcaŭ. Akramia taho, dla zabieśpiačeńnia ŭźlotu i pasadki samalotaŭ pabudavana novaja dyśpietčarskaja vyška.