U kryčaŭskuju balnicu 22 vieraśnia z apiokami byŭ dastaŭleny 24-hadovy mužčyna, jaki pasprabavaŭ učynić akt samaspaleńnia.
Jak paviedamili ŭ Ministerstvie pa nadzvyčajnych situacyjach, 22 vieraśnia ŭ 19.30 pastupiła infarmacyja, što ŭ balnicu dastaŭleny niepracujučy hramadzianin 1991 hoda naradžeńnia z termičnymi apiokami. Padčas pravierki było ŭstanoŭlena, što prykładna ŭ 19.00 jon mieŭ termičnyja apioki 2—3-j stupieni 25% cieła.
«Pavodle słoŭ sužycielki, apioki jon atrymaŭ prykładna ŭ 17.50 na dačy. Pavodle papiaredniaj viersii, znachodziačysia ŭ stanie ałkaholnaha apjanieńnia, jon pasvaryŭsia z žančynaj i vyjšaŭ z doma. Praź niekalki chvilin pakinutaja ŭ domie žančyna pačuła kryk. Jana vybiehła z doma i ŭbačyła, što sužyciel lažyć na ziamli ŭ aharodzie i na im haryć adzieńnie. Viaskoŭka vyliła na mužčynu viadro vady, samastojna patušyła ahoń i vyklikała chutkuju miedycynskuju dapamohu», — skazali ŭ MNS.
