Dniom 20 vieraśnia na čyhunačnaj stancyi Charsy ŭ Bresckim rajonie za parušeńnie pahraničnaha režymu byli zatrymanyja troje hramadzian Biełarusi 1997, 1998 i 1999 hadoŭ naradžeńnia.
Jak paviedamlaje Dziaržaŭny pahraničny kamitet, maładyja ludzi byli ź jaŭnymi prykmietami narkatyčnaha apjanieńnia. Pry vobysku ŭ adnaho ź ich byŭ znojdzieny prazrysty pakiecik 5ch5 sm z rečyvam raślinnaha pachodžańnia ciomna-zialonaha koleru. Usie troje ŭ rozny čas pryciahvalisia da kryminalnaj adkaznaści.
«Maładyja žychary Bresta ŭ litaralnym sensie demanstravali «palot dumki» i ŭvieś čas sprabavali ŭrazić pahraničnikaŭ raznastajnaściu niełahičnych viersij pra mety vizitu ŭ pahraničnuju zonu», — havorycca ŭ paviedamleńni pahranviedamstva.
Zatrymanyja pryznanyja parušalnikami pahraničnaha režymu. Paśla razboru jany pieradadzienyja supracoŭnikam milicyi.
