Były palitviazień Mikałaj Statkievič i eks-kandydat Uładzimir Niaklajeŭ na 22 vieraśnia vyklikanyja ŭ sud Centralnaha rajona Minska.
Pikiet 10 vieraśnia, fota Siarhieja Hudzilina.
Pra heta BiełaPAN paviedamiŭ staršynia Abjadnanaj hramadzianskaj partyi Anatol Labiedźka.
Pavodle jaho słoŭ, abodva palityki ciapier znachodziacca za miežami Biełarusi. «Nichto im u ruki pozvy nie ŭručaŭ, jany za ich nie raśpisvalisia. Chutčej za ŭsio, jany viedajuć hetuju infarmacyju ad chatnich. Nakolki ja viedaju, hetyja apaviaščeńni z hrubiejšymi pracedurnymi parušeńniami», — raspavioŭ Labiedźka.
Jon vykazaŭ zdahadku, što pozvy ŭ sud dasłanyja ŭ suviazi z praviadzieńniem 10 vieraśnia kala HUMa niesankcyjanavanaha pikietu «Za sumlennyja i svabodnyja vybary», u jakim udzielničali Statkievič i Niaklajeŭ. U dačynieńni da abodvuch palitykaŭ tady byli składzienyja administracyjnyja pratakoły. Labiedźka nie vyklučyŭ, što anałahičnuju pozvu mohuć dasłać i jamu, bo jon taksama byŭ na pikiecie.
Nahadajem, Mikałaj Statkievič paśla vychadu na volu 22 žniŭnia pastaŭleny na prafiłaktyčny nahlad terminam na vosiem hadoŭ.
