U studzieni—lipieni 2015 hoda rezka pavialičyŭsia ŭvoz lehkavych aŭtamabilaŭ u Biełaruś z Rasii i značna źniziŭsia ich impart z krain dalokaha zamiežža.
U cełym za studzień—lipień uvoz lehkavych aŭtamabilaŭ u Biełaruś źniziŭsia na 4% u paraŭnańni z anałahičnym letašnim pieryjadam.
U nazvany pieryjad Biełaruś impartavała 54,1 tys. lehkavych aŭtamabilaŭ na ahulnuju sumu 548,9 młn. dalaraŭ. U hrašovym vyražeńni abjom impartu aŭtamabilaŭ źniziŭsia na 12%.
Źnižeńnie pastavak lehkavych aŭtamabilaŭ u Biełaruś adbyłosia z krain Jeŭrasajuza i dalokaha zamiežža. U toj ža čas z Rasii ŭvoz lehkavych aŭtamabilaŭ vyras u paraŭnańni studzieniem—lipieniem 2014 hoda bolš čym u 1,8 razu da 46,7 tys. adzinak za siem miesiacaŭ hetaha hoda. Takim čynam, z Rasii było ŭvieziena bolš za 85% ad ahulnaha abjomu lehkavych aŭtamabilaŭ, jakija pastupili ŭ Biełaruś.
