Biespracoŭny ź pistaletam sprabavaŭ skraści vyručku z kasy kramy ŭ Minsku, ale byŭ zatrymany ŭčastkovym milicyjantam.
Jak paviedamlaje adździeł infarmacyi i hramadskich suviaziej HUUS Minharvykankama, poźnim viečaram 26 lipienia ŭ kramu pa vulicy Alšeŭskaha zajšoŭ mužčyna. Pahražajučy pistaletam, jon zapatrabavaŭ u pradaŭca vyručku. Pieradaŭšy nalotčyku 990.000 rubloŭ, što byli ŭ kasie, pradavačka abrała momant i praz słužbovy ŭvachod vybiehła na vulicu. Rabaŭnik vyskačyŭ śledam.
Śviedkam hetaha staŭ supracoŭnik inśpiekcyi pa spravach niepaŭnaletnich Frunzienskaha RUUS, jaki znachodziŭsia pablizu pa słužbovych spravach. Ubačyŭšy milicyjanta, mužčyna pasprabavaŭ uciačy. Na patrabavańni inśpiektara spynicca i pakłaści zbroju na ziamlu rabaŭnik nie reahavaŭ i praciahvaŭ uciakać, nakiroŭvajučy pistalet u bok supracoŭnika milicyi.
Inśpiektar zrabiŭ papieradžalnyja streły ŭ pavietra, a potym, pakolki złamyśnik nie adreahavaŭ, prycelna streliŭ jamu pa nahach.
Zatrymanamu akazali miedycynskuju dapamohu i dastavili ŭ Frunzienskaje RUUS. 44-hadovy biespracoŭny ź Viciebska akazaŭsia niećviarozy. Vyśvietliłasia, što jon užo byŭ sudzimy — za niezakonnyja dziejańni z padroblenymi dakumientami, nie raz pryciahvaŭsia i da administracyjnaj adkaznaści.
U dačynieńni da zatrymanaha raspačataja kryminalnaja sprava pa častcy 1 artykuła 207 («Razboj») Kryminalnaha kodeksa Biełarusi, jamu pahražaje da dziesiaci hadoŭ pazbaŭleńnia voli.
