Zavodskim (h.Minska) rajonnym adździełam Śledčaha kamiteta raspačata kryminalnaja sprava ŭ dačynieńni da 21-hadovaha minčuka, jaki padazrajecca ŭ niezakonnym abarocie narkatyčnych srodkaŭ i psichatropnych rečyvaŭ, paviedamlaje sk.gov.by.
Pieršapačatkovymi śledčymi dziejańniami ŭstanoŭlena, što student-zavočnik adnaho sa staličnych VNU praciahły čas ŭžyvaŭ marychuanu. Stałaha miesca pracy pazbaviŭsia amal hod tamu. Vypadkovyja zarobki i piensija baćkoŭ nie adkazvali jaho finansavym zapytam. Z metaj pošuku «chutkich» hrošaj chłopiec u internecie prapanavaŭ svaje pasłuhi asobam, jakija realizujuć psichatropnyja rečyvy.
Pieršaje daručeńnie pačatkoŭcu kurjeru zaklučałasia ŭ dastavańni z tajnika «pasyłki» i čakańni dalejšych ukazańniaŭ. Supracoŭniki milicyi zatrymali maładoha čałavieka z dokazami złačynstva pobač ź miescam zakładki. U kanfiskavanym u jaho kantejniery znachodziłasia kala 100 h paraškapadobnaha psichatropnaha rečyva. Vyjaŭlenyja ŭ chłopca 1,8 h marychuany i kurylnaje prystasavańnie taksama dałučanyja da materyjałaŭ kryminalnaj spravy.
