Žonka palitviaźnia Mikałaja Statkieviča Maryna Adamovič, kiraŭnica jahonaj inicyjatyŭnaj hrupy, pieradała ŭ Centralnuju vybarčuju kamisiju dakumienty dla rehistracyi inicyjatyŭnaj hrupy Statkieviča jak patencyjnaha kandydata ŭ prezidenty Biełarusi.
U składzie hrupy bolš za 1700 čałaviek.
Siarod ich takija viadomyja ŭ krainie ludzi, jak Nił Hilevič, Uładzimir Niaklajeŭ, Radzim Harecki, Siarhiej Zakońnikaŭ.
Paśla taho, jak Maryna Adamovič vyjšła z Centralnaj vybarčaj kamisii, jana paviedamiła žurnalistam, što pradstaŭniki CVK skazali, što razhlad dakumientaŭ ab rehistracyi inicyjatyŭnaj hrupy, praŭdapadobna, adbudziecca ŭ paniadziełak 20 lipienia. Pra kančatkovaje rašeńnie Centravybarkam paviedamić spadaryni Adamovič telehramaj.
Žurnalisty zapytalisia, što budzie rabić kamanda Mikałaja Statkieviča, kali CVK vyniesie admoŭny verdykt i nie zarehistruje inicyjatyŭnuju hrupu. Na heta spadarynia Adamovič adkazała:
«Pa-pieršaje, hetaje rašeńnie možna abskardzić ŭ Viarchoŭnym Sudzie Respubliki Biełaruś (takoj mahčymaści nie było na raniejšych prezidenckich vybarach), a ŭžo kančatkovaje rašeńnie pra toje, što rabić dalej, my prymiem paśla vyniasieńnia rašeńnia Viarchoŭnym Sudom».
* * *
CVK: Šancaŭ na rehistracyju inicyjatyŭnaj hrupy Statkieviča niama
