EPA
Napiaredadni ekstranaha samitu ŭ Bruseli premjer-ministr Hrecyi Aleksis Cypras pradstaviŭ novyja prapanovy pa vychadzie krainy z daŭhavoha kryzisu.
Jak zajaviŭ na pres-kanfierencyi premjer-ministr Italii Matea Renca, jašče jość mahčymaść dasiahnuć damoŭlenaści pamiž Afinami i ES. Prezident Francyi Fransua Aland skazaŭ, što treba zrabić usio mahčymaje dla taho, kab Hrecyja zastałasia ŭ jeŭrazonie.
Pradstaŭniki kredytoraŭ Hrecyi abmiarkoŭvajuć detali mahčymaj damoŭlenaści. Hrecyja pavinna zapłacić MVF 1,6 młrd dalaraŭ da kanca červienia, kab paźbiehnuć defołtu, a taksama mahčymaha vychadu ź jeŭrazony.
Kiraŭnik Nacyjanalnaha banka Hrecyi Łuka Kaceli zajaviła ŭ intervju Bi-bi-si, što nie skarystacca mahčymaściu zaklučyć u paniadziełak damovu ab vychadzie z daŭhavoha kryzisu budzie «varjactvam».
