Pra heta zajaviŭ pasoł Biełarusi va Ukrainie Valancin Vialička ŭ intervju «Ukrajinśkim Novinam», adkazvajučy na pytańnie pra ŭdzieł biełarusaŭ u bajavych dziejańniach u Danbasie.
«Jość viarboŭščyki, jakija prapanujuć, miarkujučy pa ŭsim, zarabić. Ale narmalnyja ludzi na vajnu nie pajeduć. Kali ja maju siamju, uładkavany pobyt, pracu, dyk vybačajcie mianie — kudy ja pajedu? Heta ž vajna.
Prykładaŭ, kali b biełarusy vajavali na čyim-kolečy baku na uschodzie Ukrainy i zahinuli, my nie viedajem», — zajaviŭ jon.
Vialička taksama zajaviŭ, što nia viedaje, ci jość rasiejskija vajskoŭcy ŭ Danbasie: «Heta nie da mianie pytańnie. Skazać, što jość — značyć, treba mieć dokazy, a jakija? Ja na Danbasie nie byŭ, ja hladžu telebačańnie, jak i ŭsie. Adny kažuć, što jość, inšyja — što nie».
Što tyčycca planaŭ zapuścić viaščańnie ŭ Biełarusi ŭkrainskaha telekanału, to, pa słovach Vialički, praca nad hetym praciahvajecca.
Na pytańnie, ci supracoŭničaje Biełaruś z «uładami Danieckaj i Łuhanskaj abłaściej» u ekanamičnym płanie, Vialička adkazaŭ: «Jak možna ź imi supracoŭničać? Nijakaj vyhady niama».
