Kala 120 polskich strałkovych, paŭvajskovych i vajskova-spartyŭnych sajuzaŭ i hrup utvaryli Fiederacyju praabarončych arhanizacyj, jakaja budzie supracoŭničać ź dziaržaŭnymi siłavymi strukturami, paviedamiŭ sajt Niamieckaj chvali dw.de.
Polskija dziaŭčaty niasuć «paranienuju» siabroŭku. Fota New York Times.
Ad pačatku rasijska-ŭkrainskaha vajskovaha kanfliktu kolkaść čalcoŭ militaryzavanych arhanizacyj u Polščy rezka vyrasła, bo hramadstva pačało źviartać kudy bolš uvahi pytańniam abarony krainy.
Na minułym tydni 450 pradstaŭnikoŭ takich hrup sabralisia ŭ Varšavie na pieršaj sustrečy ź ministram abarony krainy, padčas jakoj było vyrašana stvaryć kaardynacyjny centr dla dobraachvotnikaŭ.
«Dahetul paŭvajskovyja arhanizacyi byli spravaj volnaha času. Ciapier, kali ŭ susiedniaj krainie vajna, jany zrazumieli, što heta moža dapamahčy abaranić krainu», — adznačyŭ daradca pa biaśpiecy prezidenta Polščy hienierał Stanisłaŭ Koziej, pieradaje ahienctva Reuters.
Ministerstva abarony Polščy acaniła kolkaść čalcoŭ niedziaržaŭnych paŭvajskovych arhanizacyj prykładna ŭ 10 000. Prykładna pałova ź ich naležyć da arhanizacyi «Stralec», jakaja apieluje jašče da tradycyj polskich hramadskich strałkovych chaŭrusaŭ pačatku 20 stahodździa.
Polski chłopiec z arhanizacyi «Nacyjanalnaja Abarona» (Obrona Narodowa) raźbiraje kulamiot na chutkaść. Fota Reuters.
«My — praciah Armii Krajovaj… Tak ci inakš, lepš zaŭsiody raźličvać na siabie», — adznačyŭ kiraŭnik «Stralca» Marcin Vaščuk u razmovie z žurnalistam The Economist.
Siabry takich arhanizacyj atrymlivajuć navyki vałodańnia zbrojaj, akazańnia pieršaj dapamohi paranienym, spartovuju padrychtoŭku. Niekatoryja ź ich skiravanyja najpierš na pracu z moładździu, inšyja — ź ludźmi luboha ŭzrostu.
Čakajecca, što ŭ vypadku ahresii padrychtavanyja cyvilnyja ludzi buduć abaraniać rajony svajho žycharstva ad pravakacyj, dapamahać šukać dyviersantaŭ, a pry akupacyi stvorać partyzanskija hrupy.