Dyn Śmit z horada Skotsdejł (štat Aryzona) kožny dzień na praciahu hoda prapanoŭvaŭ svajoj dziaŭčynie Dženifier vyjści za jaho zamuž — ale rabiŭ heta ŭpotaj ad jaje samoj.
Pakul Dženifier nie bačyła jaho, jon zdymaŭ siabie na kamieru z tabličkaj ŭ rukach: na joj byli napisanyja pryznańnie ŭ lubovi i data. Zdymki prachodzili ŭ roznych situacyjach — u mašynie, u dušy, za śniadankam, padčas pracy, čytańnia i hetak dalej.
Śmit źniaŭ pieršaje videa 8 studzienia 2014 hoda, u dzień narodzinaŭ dziaŭčyny. Roŭna praz hod, kali para razam sa svajakami adpačyvała na vyśpie Aruba ŭ Karybskim mory, Dženifier pakazali videa z usimi 365 prapanovami. Kali rolik skončyŭsia, Śmit užo aficyjna prapanavaŭ dziaŭčynie ruku i serca.
«Dženifier ŭvieś čas hladzieła na YouTube videa z prapanovami vyjści zamuž i płakała nad ščyraściu kožnaha ź ich, — raspavioŭ Śmit. — Jana pakazała niekalki rolikaŭ mnie, i ja vyrašyŭ, što prymušu jaje płakać ad majoj prapanovy».