Žanr: bajavik, drama, fantastyka
Režysior: Nił Błamkamp
U rolach: Šarłta Kopli, Dev Patel, Jonandzi Fisier, Chju Džekman, Sihurni Uivier, Chase Pabła Kancila, Brendan Ore, Džoni Sielema.
Mieksika, ZŠA, 120 chv.
Adznaka: 8.
Dla baraćby sa złačynnaściu kampanijaj «TetraVaał» dla palicyi Jochanesburha paśpiachova raspracavanyja robaty «Skaŭty».
Ale ich stvaralnik Dyan Viłsan idzie dalej: jon vynachodzić štučny intelekt, jaki całkam imituje čałaviečy, i ŭstaloŭvaje jaho ŭ madel robata-palicejskaha. Čapi jašče dzicia, jon zdolny raźvivacca, dumać i adčuvać. Ale hrupoŭka hanhstaraŭ vykradaje jaho z metaj navučyć złačynnaj spravie, bo płanuje vykarystoŭvać dla ździajśnieńnia bujnoha kradziažu.
Nił Błomkamp, małady režysior rodam z PAR, viadomy schilnaściu da mocnaj sacyjalnaj fantastyki («Rajon №9» (2009), «Elizium» (2013).
Novaja stužka nie stała vyklučeńniem: choć ŭ centry siužeta i znachodzicca robat, to tolki dla taho, kab padreślić sacyjalnyja prablemy — vychavańnia, kultury, humannych adnosinaŭ pamiž ludźmi. «Ja b chacieŭ, kab maja dačka pahladzieła «Čapi», niahledziačy na toje, što joj tolki 9 hadoŭ. Maja žonka nie lubić navukovuju fantastyku, ale jana płakała na premjery filma. Prosta Nił umieje zdymać filmy pra dušu, pra toje, što značyć być žyvym», — adznačyŭ Chju Džekman, vykanaŭca adnoj z hałoŭnych rolaŭ.
Zdymki prachodzili ŭ Jochanesburhu. U roli Čapi źniaŭsia daŭni siabra Bamkampa — paŭdniovaafrykaniec Šarłta Kopli, jaki tak ci inakš prysutničaje va ŭsich filmach režysiora.
Hanhstaraŭ, jakim adviedzienaja značnaja častka ekrannaha času i rola ŭ vychavańni robata Čapi, syhrali ŭdzielniki paŭdniovaafrykanskaha hurtu Die Antwoord Jołandzi i Nindzia.
Chju Džekman hetym razam vystupiŭ u niazvykłaj dla siabie roli złodzieja — byłoha vajskoŭca, apantanaha idejaj stvareńnia hihanckaha bajavoha robata.
