Jak paviedamili BiełaPAN va ŭpraŭleńni ŭnutranych spraŭ na transparcie MUS, padazrony skrutak u 12.15 znajšoŭ abchodčyk. Ruch ciahnikoŭ na hetym učastku Biełaruskaj čyhunki byŭ zakryty da 15.00. Hrupa raźminiravańnia vyviezła nieviadomy pradmiet, jaki zatym byŭ adpraŭleny na ekśpiertyzu. U hety čas pa dadzienym fakcie ŭ minskim adździele ŭnutranych spraŭ na transparcie była raspačata kryminalnaja sprava pa art. 340 (padmannaje paviedamleńnie ab niebiaśpiecy) KK.
Vyniki ekśpiertyzy stali viadomyja 28 listapada. Vyśvietliłasia, što ŭ skrutku byli realnyja vybuchovaniebiaśpiečnyja pradmiety. Pavodle źviestak BiełaPAN, heta — ručnaja hranata i čatyry šaški z vytvornaj tratyłu. Pry hetym u orhanach unutranych spraŭ zajaŭlajuć, što spracavać hetaje prystasavańnie nie mahło, pakolki nie było miechanizmu padryvu.
Pavodle infarmacyi ahienctva, paśla atrymańnia vynikaŭ ekśpiertyzy sprava była pierakvalifikavanaja. U dziejańniach nieviadomych ustanoŭleny sastaŭ złačynstva, praduhledžanaha art. 360 (dyviersija) KK. Dla dalejšaha rasśledavańnia materyjały pieradadzieny ŭ Kamitet dziaržaŭnaj biaśpieki.
