Raz ich zaprasiŭ Pralaskoŭski, značyć, ułady nieabyjak majuć patrebu ŭ ich. Z dobraje dušy hety nie pakliča. Hadami vyrazali lubuju zhadku pra Volskaha, pisali paskvili, a tut rasčulilisia. Krakadziłavy ślozy! Napeŭna, značnym tut byŭ čyńnik «Biełsatu». Łukašenkaŭcy śviata vierać u mahičnuju siłu TV. Chutka svabodnyja muzyki stanuć nia tolki čutnyja, a j bačnyja biełarusam.
Pry tatalitarnym režymie luby zvarot da ŭładaŭ pavyšaŭ stupień abaronienaści dysydentaŭ. Bolšaść ludziej u Biełarusi praciahvaje dziejničać u prajekcyi na saviecki čas. Voś ža, muzyki pajšli da čałavieka, jaki ŭznačalvaje niekanstytucyjnuju, navat antykanstytucyjnuju «idealahičnuju vertykal» — faktyčna, systemu sačeńnia za hramadztvam, zdušeńnia inšadumstva i absłuhoŭvańnia intaresaŭ adnaje palityčnaje hrupoŭki, finansavanuju ź dziaržaŭnaj kišeni.
Zaprošanyja muzyki mahli dyktavać svaje ŭmovy, stavić lubyja patrabavańni. A jany razhubilisia pierad psycholaham z KHB. Jaki ŭžyŭ taktyku, pravieranuju jašče na savieckich dysydentach: spačatku davieści da rospačy, na try hady pazbavić lehalnaha zarobku, a paśla prapanavać «dyjaloh». Čałaviek rastaje pierad takoj adekvatnaściu…
Dy tolki nia ŭsio, što spracoŭvała ŭ saviecki čas, pracuje ŭ eŭrapiejskaj Biełarusi. Hramadztva ŭspryniało vizyt muzykaŭ da Pralaskoŭskaha ź vialikaj cikavaściu. Krakadziłavym ślazam daŭno nichto nia vieryć. Kamentary ab tym, što ŭłady zachacieli dyjalohu, ale apazycyja na jaho nia zdolnaja, nikoha nie ašukajuć. A voś fakt čarhovaha padmanu: paabiacać dazvoł kancertaŭ i zacisnuć — budzie mieć vodhuk. Bolš za toje, kožnaje takoje spatkańnie navučaje biełaruskich dziejačoŭ mudraści i pradbačlivaści, zdolnaści adekvatnaha dziejańnia. Jany raźvitvajucca z ułasnymi kompleksami.
Kali dźviery Pralaskoŭskaha zamknulisia, sami muzyki i ichnyja pradjusery stali asensoŭvać: što ž adbyłosia.
Paŭstali refleksii, cikavyja časam kulturna, a časam i palityčna. Vital Supranovič: Nikoli nie kažy nikoli. Lavon Volski: Nichto z muzykaŭ na handal nia pojdzie … Alaksandar Kullinkovič: Na nas vylili bahata h..na