 Bernd Štanhie |
Pavodle jaho słoŭ, 26 sakavika biełaruskaja zbornaja pavinna zhulać suprać adnaho z udzielnikaŭ čempijanatu Jeŭropy 2008 hoda, a 26 žniŭnia — z adnoj z samych mocnych zbornych śvietu. Pry hetym B.Štanhie nie staŭ nazyvać kankretnyja kamandy da padpisańnia adpaviednych kantraktaŭ, jakija pavinny być zaklučany na hetym tydni. «Harantuju, što heta buduć vielmi cikavyja partniory. Važna, što jany pryjeduć u Minsk», — padkreśliŭ hałoŭny trenier.
Pavodle nieaficyjnaj infarmacyi, letam 2008 hoda Biełaruś zhulaje z nacyjanalnymi zbornymi Turcyi i Arhienciny.
Aprača taho, paviedamiŭ B.Štanhie, u lutym 2008 hoda zbornaja Biełarusi «ŭ najlepšym składzie» płanuje zhulać na turniry ŭ Paŭdniovaj Afrycy.
Vierahodnym hałoŭny trenier nazvaŭ i praviadzieńnie ŭ červieni jašče adnaho tavaryskaha matču pierad čempijanatam Jeŭropy. Pavodle słoŭ B.Štanhie, jon budzie prasić zrabić tydniovuju paŭzu ŭ čempijanacie Biełarusi, kab «zhulać sparynh, naprykład, z Rasijaj abo Hrecyjaj».
