 |
21‑hadovy biespracoŭny žychar vioski Pietuchoŭka
Čavuskaha rajona ranicaj minułaj piatnicy nakiravaŭsia pa svajoj spravie ŭ susiedniaje pasielišča, dabiracca da jakoha treba było praź les. Tam jon ubačyŭ dzika, jaki lažaŭ na śniezie. Małady čałaviek padumaŭ, što žyviolina miortvaja. Vyrašyŭ padysci bližej, bo dahetul nikoli ŭ žycci nie bačyŭ dzika. Dzik nakinuŭsia na chłopca. Pavodle słoŭ paciarpiełaha, jon mocna zakryčaŭ ad strachu i bolu, kali dzik jaho pavaliŭ na ziamlu. Na ščaście, žyviolina spužałasia dy źbiehła.
Paranieny zdoleŭ dabracca da vioski, i adtul z rezanymi ranami biadra i spiny jaho adviezli ŭ rajonnuju balnicu. Uračy kažuć, što nie zakranuty važnyja orhany i sasudy, tamu pacyjent chutka idzie na papraŭku. Milicyja pravieryła abstaviny zdareńnia, u vyniku jakoha paciarpieŭ čałaviek. Miesca napadu znajšli chutka — pa śladach kryvi. I znajšli nie adno, a dva łohavy dzikoŭ. Kali b da bojki padklučyłasia jašče adna žyviolina, u maładoha čałavieka nie zastałosia b šancaŭ vyžyć. Tamu zrazumieła, kali zaraz jon kaža, što ŭ les bolš ni nahoj.
