Nacyjanalny apieratar suviazi RUP «Biełtelekam» spyniaje pryjom najaŭnych płaciažoŭ za svaje pasłuhi telefonnaj suviazi, dostupu ŭ internet i inšyja.
«Z 1 maja 2014 hoda apłata za kvaterny telefon, papaŭnieńnie pasłuh dostupu ŭ sietku internet byfly, interaktyŭnaha telebačańnia ZALA i inšych pasłuh elektrasuviazi budzie ažyćciaŭlacca tolki ŭ adździaleńniach paštovaj suviazi, u bankach, z dapamohaj infakijoskaŭ i inšych sposabaŭ bieznajaŭnych apłat», — paviedamlaje «Biełtelekam». Pryčyny takoha rašeńnia ŭ paviedamleńni «Biełtelekama» nie paznačanyja.
U jaho servisnych centrach/punktach z nazvanaj daty apłata prymacca nie budzie.
U liku mahčymych alternatyŭnych varyjantaŭ apłaty za pasłuhi «Biełtelekam» taksama prapanoŭvaje: «Infarmacyjny partał» pasłuhi ZALA (sistema płaciažoŭ z ekrana televizara), internet-bankinh, mabilny bankinh, sistemy elektronnych hrošaj.
