Čarhovy vypusk «Kłub redaktaraŭ» na telekanale «Biełaruś-1» byŭ tematyčnym, jaho pryśviacili padziejam va Ukrainie.
Kiraŭnik Biełteleradyjokampanii Hienadź Davydźka zvykła aburaŭsia jeŭrapiejskim i amierykanskim impieryjalizmam i rabiŭ vyhlad, što ščyra nie razumieje, čamu Viktar Janukovič tak i nie ŭžyŭ siły. Redaktar «Sovietskoj Biełoruśsii» Pavieł Jakubovič tradycyjna zajmaŭ bolš uzvažanuju pazicyju i narakaŭ na vašyvaść ukrainskaj ułady. Astatnija ŭdzielniki byli masoŭkaj.
Druhim aśpiektam pieradačy było pytańnie palitviaźniaŭ u interpretacyi izrailskaha pasła Šahała. U suviazi z hetym Hienadź Davydźka pracytavaŭ artykuł Źmitra Pankaŭca, apublikavany ŭ papiarovaj viersii «Našaj Nivy». Dla hetaha kiraŭnik BT upieršyniu za prahramu pierajšoŭ na biełaruskuju movu.
A paśla Davydźka prarekłamavaŭ jašče i «Jeŭraradyjo», začytaŭšy cytatu pra kolkaść palitviaźniaŭ u Biełarusi.
Pavieł Jakubovič uzhadaŭ historyju palitviaźnia Małčanava, jaki byŭ asudžany za kradziež mietałałomu.
Hałoŭny redaktar «SB» vykazaŭ upeŭnienaść, što Małčanava čakaje jašče nie adna adsiedka.