Zachodniaja presa adznačaje ŭzmacnieńnie pazycyj liberałaŭ u rasiejskim uradzie.
The Financial Times nadrukavała artykuł pad nazvaj «Ad pierastanovak u rasiejskim uradzie vyjhrali refarmatary». Hazeta piša: «Ministar finansaŭ Alaksiej Kudryn byŭ pavyšany ŭ paniadziełak da vice-prem'ra, što varta razumieć jak uzmacnieńnie pazicyjaŭ uradavych refarmataraŭ”.
Ab zvalnieńni z kabineta kiraŭnika MERT Hiermana Hrefa FT piša, što, pa-pieršaje, «Href nieadnarachova davaŭ zrazumieć, što źbirajecca syści z uradu», i, pa-druhoje, ličyć pazytyŭnym toj fakt, što miesca ministra zaniała jahonaja namieśnica, kiraŭnik Centru stratehičnych raspracovak Elvira Nabiulina, jakuju hazeta taksama zaličvaje da liberałaŭ.
Ahiencyja Bloomberg piša pra pierajemnaść kursa sychodziačaha Hiermana Hrefa, nazyvajučy jahonuju pierajemnicu va ŭradzie «liberałam i zdolnym refarmataram». Vydańnie padzialaje mierkavańnie Hrefa pra toje, što ekanamičny kurs Rasiei nia źmienicca, pakul pry ŭładzie zastajecca Pucin.
Die Welt, naadvarot, ličyć pryznačeńnie Elviry Nabiulinaj na pasadu kiraŭnika Minekanomraźvićcia Rasiei «niedalnabačnym», jak i pryznačeńnie Taciany Holikavaj na pasadu ministra achovy zdaroŭja i sacyjalnaha raźvićcia. Jak adznačaje niamieckaja hazeta Die Welt, abiedźvie žančyny niepapularnyja siarod nasielnictva.
Miesca Hrefa zaniała kiraŭnik Centra stratehičnych raspracovak Elvira Nabiulina. Z 2000 da 2003 h jana pracavała pieršym namieśnikam Hrefa, zaŭsiody ličyłasia jahonaj pravaj rukoj i suaŭtarkaj prajektaŭ reformaŭ.
Sam Href ličyć pryznačeńnie Nabiulinaj udałym kadravym rašeńniem. Nabiulina — čałaviek «vielmi prazrysty i vyklučna sumlenny», — zapeŭniŭ Href. Kamentujučy svaju adstaŭku, były ministar zajaviŭ, što «čynoŭniki pavinny čas ad času mianiacca. Vosiem hadoŭ dla pasady kiraŭnika MERT – heta značny termin». Sam Href planuje syści ŭ biznes.
