Pavodle ministra turyzma Izraila Icchaka Aaranoviča, pieršymi pad admienu turystyčnych viz patrapiać rasijanie, a potym, mahčyma, biełarusy, ukraincy i hramadzianie inšych respublik byłoha SSSR.
Tydzień tamu ŭrad Izraila zaćvierdziŭ prapanovu admysłovaj mižministerskaj kamisii pačać pieramovy z Rasijaj ab uzajemnaj admienie ŭjazdnych viz dla turystaŭ. Pieramovy ŭskładzieny na MZS Izraila, jaki taksama pavinien «prapracavać mahčymaść zaklučeńnia anałahičnych pahadnieńniaŭ ź inšymi krainami byłoha SSSR».
«My pačynajem z Rasii, a potym naša MZS praviadzie pieramovy ź inšymi krainami SND. Heta moža być lubaja inšaja kraina — Ukraina, Hruzija, Małdova ci Biełaruś, niezaŭvažna, jakaja kraina… Pytańnie pra terminy budzie vyrašać naš urad», — skazaŭ Icchak Aaranovič, paviedamlajuć suśvietnyja infarmacyjnyja ahienctvy.