Naša mužčynskaja kamanda nie zmahła hetymi vychodnymi pieraadoleć peruanski barjer. U vysakahornaj Limie haspadary kortaŭ akazalisia na hałavu macniejšymi za biełarusaŭ. My trapili na Peru, bo ŭ lutym doma prajhrali švedam, tamu treba było paćviardžać status kamandy z elity Kubku Devisa. Dva hady tamu takaja zadača ŭ Kanadzie była vykananaja, sioleta – nie.
Pieršy dzień spabornictvaŭ skončyŭsia pierakanaŭčym tryjumfam peruancaŭ. Mirny i Vaŭčkoŭ prajhrali adpaviedna Ivanu Mirandzie i Luisu Chornie. Adnak para Vaŭčkoŭ – Mirny była istotna macniej za paŭdniovaamrekanski duet Silva – Miranda. Paśla dvuch dzion lik byŭ 2:1 na karyść haspadaroŭ.
Vyrašalnym akazaŭsia matč dvuch lideraŭ – Mirnaha i Chorny. Chacia Maks i zmoh naviazać ciažkuju hulniu peruancu, adnak kančatkovy vynik nie na jaho karyść – 4:6, 5:7, 6:4, 6:7. Apošniaja hulnia ŭžo ničoha nie vyrašała, tamu zamiest Vaŭčkova na kort vyjšaŭ małady Andrej Karatčenia, jaki prajhraŭ rezervistu inkaŭ Silvie – 4:6, 4:6.
Zbornaja Biełarusi vylecieła ŭ 1-uju Eŭra-Afrykanskuju hrupu, ź jakoj i vyjšła ŭ elitu čatyry hady tamu. Najbolšym dasiahnieńniem našaj kamandy za hety čas byŭ vychad u paŭfinał rozyhryšu Kubku Devisa ŭ 2004 hodzie.
