Pamiežniki zatrymali rasijanina, jaki na aŭtamabili sprabavaŭ prarvacca praź biełaruskuju miažu ŭ Polšču.
Płan «Barjer» byŭ uviedzieny viečaram 11 kastryčnika ŭ punkcie propusku «Bruzhi», kab spynić hramadzianina Rasii na BMW Ch5 niamieckaj rehistracyi. Mužčyna, jaki pastajanna žyvie ŭ Hiermanii, vyjazdžaŭ ź Biełarusi ŭ Polšču. Pry afarmleńni aŭtamabila ŭ supracoŭnikaŭ mytni uźnikli padazreńni ŭ kantrabandzie cyharet, paśla čaho było pryniata rašeńnie ab nadhladzie mašyny ŭ kompleksie «Rapiskan», paviedamili ŭ Dziaržaŭnym pamiežnym kamitecie.
Spałochaŭšysia vykryćcia, rasijanin pasprabavaŭ ździejśnić praryŭ na terytoryju Biełarusi, kab uniknuć adkaznaści.
Parušalnik chutka byŭ spynieny. Ubačyŭšy srodki prymusovaha spynieńnia i zabaraniajučyja sihnały śviatłaforaŭ, mužčyna spyniŭsia kala «apošniaj rysy», - adznačyli ŭ DPK.
Vyśvietliłasia, što jon sprabavaŭ nielehalna pravieźci cieraź miažu partyju z 280 pačkaŭ cyharet na 2,6 miljona rubloŭ.
Za parušeńnie režymu punkta propusku na hramadzianina Rasii nakładzieny štraf i jon departavany ź Biełarusi. Mašyna 2008 hoda vypusku koštam u 350 miljonaŭ kanfiskavana da rašeńnia suda.
