Vystupajučy siońnia na pres-kanferencyi da “Eŭrapiejskaha maršu”, były staršynia Nacyjanalnaha banku Biełarusi Stanisłaŭ Bahdankievič zajaviŭ ab mahčymaści chutkaha ekanamičnaha kalapsu ŭ krainie.
«Biełaruś znachodzicca na miažy surjoznaha finansavaha kryzysu. Pakul źniešnie heta nia vielmi prajaŭlecca. Najbolš tryvožnym pakazčykam u našaj ekanomicy źjaŭlajecca deficyt handlovaha balansu. Štohod jon składaje 2 miljardy rubloŭ. I heta robicca ŭ toj čas, kali biełaruskaja ekanomika praciahvaje siadzieć na rasiejskich subsydyjach. MVF padličyŭ, kali ŭ Biełarusi nia buduć praviedzienyja reformy, to deficyt płaciožnaha balansu štohod budzie raści na 7-8 % ad uzroŭniu VUP. Da 2011 hodu hety deficyt pieraadoleje planku 50 % VUP. Zołatavalutnyja rezervy krainy zbolšaha virtualnyja, bo pavialičvajucca za košt pazykaŭ ad rasiejskaha boku», – adznačyŭ S.Bahdankievič.
Varta adznačyć, što heta ŭžo nia pieršyja pesymistyčnyja prahnozy Stanisłava Bahdankieviča adnosna pracy biełaruskaj ekanomiki.
