Ministar pracy i sacyjalnaj abarony Ŭładzimir Patupčyk bačyć budučyniu ŭ dahladzie starych ludziej pa chatach.
Siońniašniaja sietka stacyjanarnych ustanoŭ sacabsłuhoŭvańnia nie zabiaśpiečvaje patreb pažyłych ludziej i invalidaŭ u pastajannaj dapamozie i sacyjalnym absłuhoŭvańni ŭ stacyjanarnych umovach, zaznačyŭ ministr pracy i sacyjalnaj abarony Uładzimir Patupčyk. Na pasiadžeńni prezidyuma Savieta Ministraŭ pad staršynstvam premjer-ministra Siarhieja Sidorskaha abmiarkoŭvaŭsia prajekt Prahramy raźvićcia i aptymizacyi sietki ustanoŭ sacyjalnaha absłuhoŭvańnia da 2010 hoda,.
Havoračy pra isnujučyja prablemy, Uładzimir Patupčyk, u pryvatnaści, paviedamiŭ pra toje, što čarha ŭ damy-internaty na pačatak hetaha hoda składała 1370 čałaviek, u tym liku psichanieŭrałahičnyja — 1138. Akramia taho, płoščy pamiaškańniaŭ damoŭ-internataŭ časta nie adpaviadajuć sanitarnym normam. Da taho ž kala 10 pracentaŭ budynkaŭ i zbudavańniaŭ, jakija znachodziacca na bałansie ŭstanoŭ sacabsłuhoŭvańnia, pa svajmu techničnamu stanu majuć patrebu ŭ rekanstrukcyi abo kapitalnym ramoncie. "Mocna znošana i patrabuje zamieny 8 pracentaŭ miedycynskaha i technałahičnaha abstalavańnia, 37 pracentaŭ transpartu", — adznačyŭ ministr.
Pamiaškańni 58 pracentaŭ terytaryjalnych centraŭ sacabsłuhoŭvańnia majuć nieabchodnaść u ramoncie.
Likvidavać čerhi płanujecca za košt dadatkovaha stvareńnia ŭ damach-internatach 2161 miesca, u tym liku za košt novaha budaŭnictva 778, rekanstrukcyi budynkaŭ, jakija nie vykarystoŭvajucca, — 970, pieraprafilavańnia — 363. Jak zaznačyŭ ministr, na hetyja mety patrabujecca amal 102 młrd rubloŭ.
Što datyčycca bolš daskanałaha sacabsłuhoŭvańnia viaskoŭcaŭ, to tut płanujecca adkryć 347 sacyjalnych punktaŭ, pryčym z vykarystańniem raźvitoj infrastruktury ahraharadkoŭ.
Jak miarkujecca, ahulnyja zatraty na realizacyju prahramy składuć 213,5 młrd rubloŭ.
Ministr taksama painfarmavaŭ, što siaredniamiesiačny košt utrymańnia adnaho čałavieka ŭ domie-internacie składaje 560 tys. rubloŭ, što pieravyšaje raschody na jaho ŭtrymańnie ŭ adździaleńni kruhłasutačnaha znachodžańnia bolš čym u dva razy, i amal u 10 razoŭ pieravyšaje raschody na jaho absłuhoŭvańnie ŭ chatnich umovach. "U suviazi z hetym umoŭny ekanamičny efiekt ad vykanańnia mierapryjemstvaŭ prahramy składzie 198 młrd rubloŭ",— paviedamiŭ Uładzimir Patupčyk.
