 |
30 žniŭnia ŭ biełaruskim siehmiencie Interneta startavała akcyja «Padaruj Łukašenku jaho Łunet!», jakaja zaklikanaja prademanstravać absurdnaść i niebiaśpiečnaść patrabavańniaŭ Łukašenki zrabić kantrol za Internetam u Biełarusi bolš žorstkim. Łunet — pavodle stvaralnikaŭ, pravobraz Interneta ŭ razumieńni Łukašenki. U pryvatnaści, na pošukavy servis Łundeks, videa‑servis ŁuTub, błohi Łu‑časopis.
«Prablema kantrolu Interneta datyčyć niekalkich miljenaŭ biełarusaŭ. Tamu my ličym važnym i svoječasovym uźniać hetuju temu na biełaruskaj i zamiežnaj miedyjaprastorach, źviarnuć na jaje ŭvahu palitykaŭ, ŚMI i hramadzianskaj supolnaści. Nielha dapuścić, kab apošniaja apora svabody ŭ Biełarusi źnikła. Nastaŭ čas pakazać, što navat va ŭmovach virtualnaha śvietu my možam prademanstravać realnuju salidarnaść. My nie pavinny dapuścić pieraŭtvareńnia Biełarusi ŭ varožy Internetu Kitaj!» — zajaviŭ adzin ź inicyjataraŭ akcyi, kaardynatar internet‑supolnaści «Treci Šlach» Pavał Marozaŭ.
Pahroza svabody Bajneta ŭźnikła nie sieńnia, ale abvastryłasia na pačatku žniŭnia 2007 h. Tady, pry naviedańni redakcyi haziety «Sovietskaja Biełoruśsija» Alaksandr Łukašenka zajaviŭ: «Biazuładździe ŭ internecie treba spyniać». Jen pryznaŭ, što «… biełaruskaja dziaržava ŭ internecie prysutničaje niaznačna. Siarod dziaržaŭnych sajtaŭ niama nivodnaha z aŭdytoryjaj bolš za 5 tysiač karystalnikaŭ». I paraiŭ, što «kali pačytać, što tam drukujuć, to my majem masavy rupar — navat nie apazicyi, a rupar varožych nam hałasoŭ i dziaržaŭ. Toje, što naša apazicyja stała ich ruparam — heta fakt». Biełaruskaje telebačańnie padchapiła estafietu ad Łukašenki i pakazała prapahandyscki repartaž, dyskredytujučy svabodny Internet, a taksama vykanany ŭ styli savieckaj prapahandy film «Sietkavyja vojny». U sudzie Minska razhladajecca sprava suprać sajta Abjadnanaj hramadzianskaj partyi za raspaŭsiud iłžyvaj infarmacyi pra syna viadomaha čynoŭnika, biełaruski parłamient hatovy vosieńniu pryniać represiŭnaje zakanadaŭstva pa kantrolu nad ŚMI i Internetam. Z 2005 hoda idzie pieraśled aŭtaraŭ fłeš‑animacyi Multkłub, raźmieščanaj u Internecie. Im inkryminujecca «Paklop na Prezidenta Respubliki Biełaruś», suprać ich vysunuty abvinavačańni, i ich šukaje biełaruskaja milicyja.
